Биыл Отырар ауданының 5 ауылына табиғи газ беріледі

    Отырар ауданының әкімі Әбдіғали Жүнісов өткен жылды қорытындылап, халық алдында онлайн форматта есеп берді.  Бұған дейін Отырар ауданына қарасты ауыл округ тұрғындарымен қашықтықтан кездескен әкімнің кезекті жиыны да әлеуметтік желілерде тікелей эфир арқылы көрсетілді.

Өткен жылы ауданда өндірілген ішкі аймақтық өнім көлемі 57 млрд. 212 млн. 800 мың теңгені құрап, 2019 жылдың осы мерзімімен салыстырғанда 4 млрд. 784 млн. теңгеге немесе 109 — % ға артығымен орындалған. Сонымен бірге жыл қорытындысымен ауданның өнеркәсіп кәсіпорындарында 11 млрд. 852 млн. 702 мың теңгенің өнімі өндіріліп, өнеркәсіп өнімінің нақты көлем индексі — 101 пайызды құрады. 12 айдың қорытындысымен негізгі капиталға 11 млрд. 031 млн. 400 мың теңге инвестиция тартылған. Кәсіпкерлік саласы бойынша жалпы статистикалық мәліметке сәйкес жұмыс істеп тұрған субъектілердің саны – 4763- ке жетсе, 2019 жылы олардың саны 4592 болған. Яғни өткен жылмен салыстырғанда кәсіпкерлік субъектілерінің саны 171-ге артып отыр.
Аудан бюджетінің жергілікті кірістер көзінің жылдық жоспары 1 млрд. 262 млн. 617 мың теңге болса, орындалуы 1 млрд. 333 млн. 253,1 мың теңге болып, 105 %- ға артық орындалған. Бұдан өзге аудан бойынша ауыл шаруашылығындағы негізгі капиталға салынған инвестиция 2 млрд. 800 млн. теңгені құрап 112 пайызға ал, тамақ өнімдерін өндірудегі негізгі капиталға салынған инвестициялар 202 млн. 500 мың теңгені құрап, жоспар 101 пайызға орындалған. Аймақта бір алқаптан
2-3 өнім алу жобасы бойынша ағымдағы жылы 80 шаруа 240,9 гектар жер игеріп, жұмыс істеген.     Отырар ауданы бойынша нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасының 2-ші бағыты аясында «Жаңа бизнес идеяларды іске асыруға арналған мемлекеттік грант» аясында 25 жеке тұлға қайтарымсыз 555 мың 600 теңгеден жалпы 13 млн 890 мың теңгенің грантын иеленіп, тұрақты жұмыс істеуде. Егін шаруашылығы бойынша аудан көлемінде 33 мың 605 га жерге егістік егілсе, оның ішінде 11 мың гектар жерге жүгері егілген. Мал шаруашылығын несиелендіру жолымен импорттан ірі қара мал сатып алу бойынша тапсырма 1 435 бас алу болса, 2020 жылы 3 360 бас алынып тапсырма 2 есеге артығымен орындалса, 888 бас аналық түйе сатып алынған.
Бұдан өзге Отырар ауданын табиғи газбен қамту мақсатында 8 елді- мекенде (Жаңа Шілік, Ескі Шілік, Ақтөбе, Ш.Қалдаяқов, Қарақоңыр, Қоғам, Ынталы және Мыңшұқыр) газ құбырларының құрылыс-монтаждау жұмыстары аяқталып, желтоқсан айында 3 елді мекенге (Жаңа Шілік, Ескі Шілік, Ақтөбе) табиғи газ берілді.     Кезектегі 5 елді мекенге (Ш.Қалдаяқов, Қарақоңыр, Қоғам, Ынталы және Мыңшұқыр) табиғи газ беру 2021 жылдың ІІ тоқсанына жоспарланып отыр. Аудан көлеміндегі автокөлік жолдардың жалпы ұзындығы – 813,39 шақырымды құрайды. Өткен жылы жалпы ұзындығы 26,9 шақырым ішкі автомобиль жолдарына орта жөндеу және 1,7 шақырым жолға күрделі жөндеу жұмыстары жүргізіліп, аяқталған. Нәтижесімен аудан көлеміндегі ішкі көшелердің жалпы қанағаттанарлық деңгейі 59 % дан 61 % ға артқан. Сондай-ақ, былтыр Отырар ауыл округі, Арыс елді мекеніндегі 3 көшені электр жарығымен қамтамасыз ету үшін құрылыс жұмыстары жүзеге асырылған.    Ұлылыр мекенінде Әбу Насыр Әл-Фарабидің 1150 жылдық мерейтойын атап өту жөніндегі іс-шаралар жоспарына сәйкес аудан орталығындағы «Даңқты бабалар саяжолы», «Қасірет» мемориалына ағымдағы жөндеу жұмыстары жүргізілді. Шәуілдір ауылындағы Жібек жолы даңғылын абаттандырудың 3-ші, 4-ші кезеңдері, Шәуілдір ауылындағы Ұ.Арғынбеков даңғылының 1,9 шақырымы және Ынталы ауылындағы Ұ.Арғынбеков даңғылының 1,77 шақырымын абаттандыру, көгалдандыру жұмыстары жалғасын тапты. Нысаналы индикаторлар бойынша тұрғын үйлерді пайдалануға беру жұмыстары бойынша 15 мың 352 шаршы метр (2019 жылы 14 мың 396 шаршы метр) тұрғын үй пайдалануға беріліп, 2019 жылдың есепті кезеңімен салыстырғанда 106 % құрап отыр.
Құрылыс жұмыстарының нақты көлемі бойынша шамамен 5 млрд 700 млн теңгенің (2019 жылы 5 млрд 534,6 млн. теңге) құрылыс жұмыстары жүргізілген. Бұл көрсеткіш 2019 жылдың есепті кезеңімен салыстырғанда 2,7 % артық орындалды.
Республикалық бюджет есебінен «Нұрлы жер» мемлекеттік тұрғын үй бағдарламасы аясында Көкмардан ауылындағы жаңа тұрғын алабын ауыз су мен электр жүйесімен қамтамасыз ету жұмыстары жүргізіліп, жоба бойынша 120 жеке тұрғын үйге арналған жер учаскесі электр қуаты мен ауыз су жүйесімен қамтылған.

Айғақ-ақпарат