Түркістан облысы ПД-ның бастығы Қайрат Дәлбеков есеп берді

   Түркістан облысы ПД-ның бастығы, полиция генерал-майоры Қайрат Дәлбеков онлайн режимде есеп берді. Оған ПД-ның құрылымдары және облысқа қарасты 16 ауданның полиция басқармасының бастықтары қатысты. Карантин талаптары толық сақталып, онлайн байланыс арқылы өткізілді.    Сонымен қатар, әлеуметтік желідегі ресми парақшаларда тікелей эфир жүргізіліп, тұрғындардан келіп келіп түскен сауалдарға Қайрат Дәлбеков жауап берді. Алдымен облыс полицейлерінің 2020 жылдың 12 ай бойынша атқарылған жұмыстары туралы баяндалды.    Есеп беру барысында онлайн форматта тұрғындардан келіп түскен сауалдардың басым бөлігі мал ұрлығы, кадр саясаты мен жол белгілеріне қатысты болды. Есеп беруге тікелей эфир арқылы 2000-нан астам желі қолданушысы қатысып, олардан 700-ден аса пікірлер мен сұрақтар келіп түсті. Онлайн арқылы облыс тұрғындарымен тікелей тілдескен облыстың бас полицейі барлық сауалдарды жауапсыз қалдырмады.
Жиын соңында Түркістан облыстық ПД-ның бастығы Қайрат Дәлбеков облыс аумағында жол-көлік апатының саны төмендеген мәлімдеді.   Айталық, 2020 жылы Түркістан облысы бойынша жол-көлік апаты — 8,7%-ға төмендеген. Сонымен қатар, қаза болғандар саны -5,8%, дене жарақаттарын алғандар саны — 13,2%-ға азайған.

Айғақ-ақпарат