Арыс қаласының 2020 жылғы әлеуметтік-экономикалық дамуы

   Арыс қаласының әкімі Мұрат Қадырбек 2020 жылы атқарылған жұмыстар бойынша қорытынды есеп берді. Бұған дейін Арыс қаласына қарасты ауылдық округ әкімдері тұрғындарға арнап онлайн есеп берген болатын. Онлайн кездесуді қорытындылаған қала әкімі «кеше, бүгін, ертең» тақырыбында Арыс қаласының дамуын баяндады.    Тоғыз жолдың торабында орналасқан қалада өткен жылы бюджеттен бөлінген 21 млрд. 707 млн. теңге қаланың әлеуметтік-экономикалық дамуына толық жұмсалған. Ал керісінше бюджетке келіп түскен қаржы 1 млрд. 725 млн. теңгені құраған. Қала экономикасына тартылған жалпы инвестиция көлемі 14 млрд. 651 млн. теңге. Әкімнің баяндамасына сүйенсек, әр салада 2019 жылмен салыстырғанда өсім бар.    Сонымен қатар, қала аумағындағы 36 пәтерлік 3 тұрғын үйдің құрылысы аяқталып, нәтижесінде үй кезегінде тұрған 108 жанұя баспаналы болмақ. 2021 жылы тағы 60 пәтерлі 4 тұрғын үйді пайдалануға беру жоспарлануда.
Арыс қаласындағы ең маңызды мәселенің бірі — су тапшылығы. Соған қарамастан Ақдала және Байырқұм ауылдық округін ауыз сумен қамтамасыз етуге республикалық бюджеттен қаржы бөлініп, ауыз су халыққа пайдалануға берілді.    Бұдан бөлек қалада энергетика, табиғи газ, жол, білім, спорт салаларында жұмыстар жасалуда.

Айғақ-ақпарат