Экспорт әлеуетін дамытуға қолдау көрсетіледі

   Түркістан облысының әкімдігі, ҚР Сауда және интеграция министрлігі, «QazTrade» сауда саясатын дамыту орталығы» АҚ және «KazakhExport» экспорттық сақтандыру компаниясы» АҚ осы жылы өңірдің жұмыс істеп тұрған және әлеуетті экспорттаушылары үшін өңірлік экспорттық кеңестің бірінші отырысын өткізді.    Кездесудің мақсаты — экспортты ілгерілету бойынша қаржылық институттардың мемлекеттік қолдау және қызмет көрсету саласындағы хабардарлығын арттыру және экспорттық әлеуетті дамыту үшін болашақ кешенді қолдау процесін жақсарту болып табылады. Басқосуға Түркістан облысы әкімінің орынбасары Мейіржан Мырзалиев, ҚР Сауда және интеграция министрлігінің өкілдері, «QazTrade» сауда саясатын дамыту орталығы» АҚ-ның бас директоры А.Асқарұлы, «KazakhExport» экспорттық сақтандыру компаниясы» АҚ-ның өкілдері, «Turkistan lnvest» инвестициялар тарту және экспортты дамыту өңірлік агенттігі» ЖШС басшылары, кәсіпкерлер палатасы және әкімдіктің тиісті басқармалары қатысты. Сондай-ақ, облыстың 62 ірі экспорттаушылары қатысты. Кездесуге қатысушылар экспорттаушыларды қолдау бойынша мемлекеттік шараларды кеңейту және оларды бір арнаға шоғырландыру мәселелерін қарастырды. Оның ішінде өңделген отандық тауарларды сыртқы нарықтарға жылжытуға жұмсалған шығындардың бір бөлігін өтеу.   Облыс әкімінің орынбасары М.Мырзалиевтің айтуынша өңірде экспортқа бағдарланған 224 компания жұмыс істейді. Оның ішінде 60 белсенді экспорттаушы компания машина жасау, металлургия, тамақ, жеңіл өнеркәсібі фармацевтика және ағаш өңдеу салаларында жұмыс істейді. 2020 жылдың 11 айында Түркістан облысының тауар айналымы 991,5 млн АҚШ долларын құраған. Оның ішінде экспорт әлеуеті 494,6 млн АҚШ долларына жеткен.

Айғақ-ақпарат