Коронавирустан жазылған адамға қанша уақыттан кейін вакцина салуға болады?

   Коронавирустан жазылған адамға 6 айдан кейін вакцина салуға болады. ҚР ДСМ Санитариялық-эпидемиологиялық бақылау комитетінің вакцинаға көнетін инфекцияларды бақылау басқармасының басшысы Нұршай Әзімбаева онлайн конференция барысында осылай деді, деп хабарлайды Айғақ-ақпарат тілшісі ҚазАқпаратқа сілтеме жасап.«Коронавирустың кез келген формасымен ауырған адамға 6 айдан кейін ғана вакцина салуға кеңес беріледі. Сонымен қатар 6 айдан кейін де ол адамның жағдайына қарау керек. Егер адам коронавирустан жазылғаннан кейін 6 ай өткізіп барып қана вакцина егуге болады», — деді Нұршай Әзімбаева. Оның айтуынша, уақыт аралығындағы интервалды сақтау үшін 1 флакон арқылы вакцина алған 5 адамның тізімі жасалады. «Неліктен екпеге алдын ала жазылу керек? Өйткені вакцинаның 1 флаконы 5 адамға арналған. Бұл 5 адамнан бір уақытта бірінен кейін бірі вакцина алады. Яғни, вакцинаның жарамдылығы бұзылмас үшін екпе кабинетіне кірер есікте вакцина алатын келесі адам (басқалармен 1,5 метр аралықта) тұруға тиіс. Жалпы вакцина салынған адам 30 минут бойы медициналық бақылауда болады. Сонымен қатар ол адамға вакцина алғаны туралы таңбаланған бейдж беріледі», – деді ол. Еске сала кетсек, бұған дейін Нұршай Әзімбаева ақылы екпе кабинеттерінде КВИ-ге қарсы вакцина салынбайтынын ескерткен еді.