Төрткүл ауылында қандай жұмыстар атқарылды?

  Түркістан облысының аудан және ауыл әкімдері халық алдында есеп беруде. 2020 жылы атқарылған жұмыстарды қорытындылау кезегі Ордабасы ауданы, Төрткүл ауылдық округіне келді. Ауыл әкімі Өтеміс Мұхтарханның баяндамасы бойынша бюджеттен бөлінген 32 млн. 737 мың теңге ауыл игілігі үшін толық игерілген. Нақты қандай салаларға жұмыстарға жұмсалғаны есеп беру кездесуінде айтылды.Ауыл шаруашылығы саласында жоспарға сай 10 603 гектар егістік жер игерілген. Әлеуметтік салаға келер болсақ, «Атаулы әлеуметтік көмек» жобасы бойынша шартсыз 18 отбасыға 8 млн. 178 мың теңге, ал шартты 72 отбасыға 20 млн. 870 мың теңге тағайындалған.

Ауылдағы жаңашылдық — жол бойының абаттануы мен «Жастар» аллеясының салынуы. Жиында бұдан өзге инвестиция, кәсіпкерлік, инфрақұрылым, құрылыс, білім, денсаулық салаларындағы атқарылған жұмыстар айтылды.
Төрткүл ауылдық округі әкімінің есебінен кейін Ордабасы ауданының әкімі Нұрбол Тұрашбеков баяндама жасады.

Экономикалық ауданда 2020 жылы карантинге қарамастан даму мен өсу байқалады. Жалпы өңірлік өнім 94 млрд. 50 млн. теңгені құраған. Мақсатты түрде жұмсалған қаржы өңірдің біршама экономикалық ахуалын жақсартқан. Аудан басшысы өткен жылға есеп беруден кейін, алдағы жоспарлармен таныстырды. Ең алғаш қолға алынатын мәселелер ағын су, газ және денсаулық сақтау. Тұрғындардан келіп түсетін өтініштер де осыған қатысты. Сондай-ақ, аудан аумағанда ағымдағы жылы ірі мемориалдық спорт кешенін салу көзделуде. Кешен Қажымұқан Мұңайтпасұлының 150 жылдығана арналып бой көтереді. Құрылыс жұмыстары наурыз айында басталады.

Айғақ-ақпарат