Бүгінгі таңда Шымкент қаласындағы көшелердің жалпы ұзындығы 2810 шақырымды құрайды. Барлық шағын аудандарды қосқанда жалпы көшелердің саны 2709 ға жетеді. Биыл қаладағы 97 көшеге орташа жөндеу жұмыстарын жүргізу жоспарланған. Ондағы жөнделетін көшелердің ұзындығы 86 шақырымды құрайды.
Қаладағы жаяу жүргіншілерге арналған аяқжолдардың ұзындығы 283 шақырымнан асады. Осы күнге дейін олардың 227 шақырымына асфальт қабат, 56 шақырымына плиталық жабындылар төселген.
Қазіргі таңда қаламызда жол қозғалысын реттейтін 155 бағдаршам жұмыс істейді. Биыл 41 көшеге жаяу жүргіншілер жолын салу көзделіп отыр. Осы күнге дейін 26 көшеде орташа жөндеу жұмыстары аяқталып, 8 көшеде аяқжолдар салынып үлгерді. Жыл соңына дейін 14 шағын аудандағы 61 көшені асфальттау, 2 шағын аудандағы 11 көшені қайта құру көзделуде.
Шымкент қаласы әкімінің баспасөз қызметі