Түркістан қаласында жүргізілген жедел-алдын алу іс-шаралары барысында полицейлер 40-тан астам қылмыс пен 1,5 мың құқықбұзушылықты анықтады. 2016 жылдың 3-12 қыркүйек аралығында ОҚО ІІД қызметкерлерімен құқықбұзушылықтар мен қылмыстарды болдырмау, сондай-ақ қоғамдық тәртіп пен жол қауіпсіздігін қамтамасыз ету мақсатында Түркістан қаласының аумағында кеңауқымды рейдтік іс-шаралар жүргізілуде.
Түркістан қаласында жүргізіліп жатқан жедел-алдын алу іс-шараларының 10 күнінде тәртіп сақшылары 43 қылмысты әшкереледі. Оның 1 дерегі алдын орын алған болса, 9 дерек — бөтеннің мүлкін ұрлау, 1 дерек – тонау, 3 дерек – алаяқтық, 3 дерек — ұқсақ ұрлықтар, 3 дерек – қаруды заңсыз сақтау, 3 дерек- өз бетінше өктемдік таныту, 9 дерек – тұрғындардың заңды мүдделеріне қол сұғушылық, 2 дерек- сеніп тапсырылған бөтен мүлікті иемдену немесе жұмсау, 1 дерек – бөтен мүлікті қасақана жою немесе бүлдіру болып отыр.
Тәртіп сақшылары Түркістан-Балтакөл тас жолында маркасы «Мерседес» автокөлігін тоқтатып, мал ұрлығына күдікті 3 азаматты құрықтады. Олар 1983, 1985 және 1991 жылдары туылған Түркістан қаласы мен Ордабасы ауданының тұрғындары. Полицейлер автокөліктің салонынан ірі қара малдың тұтастай етін, 12 калибрлі аңшылық мылтығын, пышақ және басқа да заттарды анықтап, айғақ зат ретінде тәркіледі. Бүгінгі таңда тергеу барысында күдіктілердің мал ұрлығы бойынша 13 дерекке қатыстылығы анықталды. Аталған жайт бойынша ҚР ҚК-нің 188-бабымен «Ұрлық» қылмыстық іс қөозғалды. Сотқа дейінгі тергеу амалдары жүргізілуде.
Сондай-ақ, жедел –алдын алу іс-шаралары барысында полицейлер есірткі заттарымен заңсыз айналысқан, құрамында есірткі заттары бар өсімдіктер өсірген екі жергілікті тұрғынды құрықтады.
Полицейлер жеңгетайлық және притонды ұйымдастыру бойынша 4 дерек әшкерелеп, 27 жеңгетай мен жеңіл жүрісті әйел арнайы есепке алынды.
Сонымен қатар, рейдтік іс-шаралар барысында ОҚО ІІД Жергілікті полиция қызметкерлерімен 1494 әкімшілік құқықбұзушылық, оның ішінде «нөлдік төзімділік» бойынша – 492 дерек анықталды.
Автокөлік құралдарын мас халде басқарған 19 жүргізуші құрықталып, 157 автокөлік ақылы айыптұраққа тоғытылды. Барлық деректер бойынша әкімшілік хаттама толтырылды.
Жасөспірімдер ісі жөнінідегі инспекторлармен әртүрлі құқықбұзушылықтар жасаған 55 жасөспірім полиция бөліміне жеткізілді. Тәртіп сақшыларымен 70 әкімшілік хаттама, оның ішінде жасөспірімдердің түнгі уақытта үлкендердің қарауынсыз жүруі бойынша 63 хаттама толтырылды. Балаларының тәрбиесіне немқұрайлы қараған 7 ата-ана әкімшілік жауапкершілікке тартылып, 8 жасөспірім мен 7 қолайсыз отбасы алдын-алу есебіне алынды.
Түркістан қаласындағы қабылдап-тарату орнына 5 адам жеткізіліп, ҚР Көші-қон Заңнамасын бұзған 16 адам әкімшілік жауапкершілікке тартылды.
