Шымкент қаласы Тауарлар мен көрсетілетін қызметтердің сапасы мен қауіпсіздігін бақылау департаменті, Шымкент қаласының Бас мемлекеттік санитариялық дәрігерінің 01.07.2020 жылғы №24 қаулысына сәйкес, дәрі-дәрмектерді алыпсатарлық сатудың алдын алу, емдеу курсына бір қолға берілетін дәрілік заттардың санын шектеу, емдеу курсына рецептуралық дәрілік заттарды рецептпен сату бойынша, сондай-ақ Шымкент қаласының дәріханаларында шекті бөлшек сауда бағаларын сақтау бойынша, департаменттің аудандық басқармаларымен бірлесіп 4 мониторингтік топ құрылды.
19.07.2020 жылға аудандық Басқармалармен бірлесіп өткізілген 14 күндік мониторинг нәтижесінде, қала тұрғындарын өткізу үшін дәріханалардың дәрілік заттармен қамтамасыз етілу жағдайы, қосымша жоспарланған жеткізу күндері бойынша, сондай-ақ рецептсіз дәрілік заттарды бір қолға босату және рецепт бойынша рецептуралық препараттарды босату шектеулерін сақтау бойынша жағдай анықталды.
Қалада барлығы 348 дәріхана бойынша 63 дәрілік заттар атауы бойынша мониторинг жүргізілді, оның ішінде: 24 атауы ыстыққа түсіретін преператтар, 14 атауы вирусқа қарсы препараттар, 21 атауы антибиотиктер, 4 атауы С витамині (таблеткалар мен инъекцияларда).
Мониторингтік топтар ҚР ДСМ 15.07.2019 ж. № КР ДСМ-104 бұйрығымен бекітілген дәріханаларда шекті бөлшек сауда бағаларын арттырғаны үшін ҚР 2014 жылғы 5 шілдедегі № 235-V ҚРЗ «Әкімшілік құқық бұзушылық туралы»Кодексінің 426-бабының 1-бөлігі бойынша әкімшілік жауапкершілік қарастырылғаны туралы түсіндірме берілуде.
19.07.2020 жылы Шымкент қаласының дәріханаларында шекті бөлшек бағаны көтеру бойынша факты анықталмады.
Жүргізілген 14 күндік мониторинг нәтижесінде 17 объект бойынша барлығы 19 факті анықталды.
Дәріханаларға қаланың барлық стационарларында тегін негізде қабылдауға болатын антибиотиктер, вирусқа қарсы, ыстыққа түсіретін препараттардың жеткілікті мөлшерде бар екендігі туралы халыққа хабарлау қажеттігі туралы түсіндірілді, ол үшін тіркелген жері бойынша медициналық ұйымға жүгіну қажет.
Департамент қаладағы дәріханаларда және дәріханалық қоймаларда дәрі-дәрмектердің бар болуына мониторинг жүргізуді жалғастыруда.
Сонымен қатар, Департамент қалалық дәріханаларда және дәріханалық қоймаларда дәрі-дәрмектердің бар болуына және ҚР Денсаулық сақтау министрлігі, ҚР сауда және интеграция министрлігі және ҚР Ұлттық экономика министрлігі бірлескен 2020 жылғы 14 шілдедегі «Медициналық бетперделердің шекті бағасын бекіту туралы «бірлескен бұйрыққа өзгерістер енгізу туралы»№ ҚР ДСМ-84/20 бұйрығының негізінде “Бір реттік үш қабатты медициналық бетперде» медициналық бұйымның шекті бөлшек бағасы 118-ден 85 теңгеде сақталуына және орындалуына мониторинг жалғасуда.
