Шымкентте госпитальдің құрылысы аяқталды

Шымкентте модульдік жұқпалы аурулар госпиталінің құрылысы аяқталды, — деп хабарлайды «Айғақ-Ақпарат» тілшісі Шымкент қаласы әкімінің баспасөз қызметіне сілтеме жасай отырып.

Госпиталь Қаратау ауданының «Ақжайық» шағын ауданында орналасқан. Ғимарат модульдік үлгі бойынша салынды. 20 төсектік реанимация бөлімшесі бар, жалпы 200 төсек-орынға арналған. Құрылысты жүргізген мердігер компания — «BI Industrial» ЖШС.

Бұл госпиталь қалалық жұқпалы аурулар ауруханасының филиалы болып табылады және коронавирустық инфекцияға күдікті барлық пациенттерді қабылдайды.
Стационарда барлығы 300-ден астам білікті медицина қызметкері медициналық көмек көрсетеді.
Инфекциялық госпиталь қажетті заманауи медициналық техникамен жабдықталған: компьютерлік томограф, сандық рентген аппараты, 20 ИВЛ аппараты бар.

Инфекциялық госпиталь жобасының ерекшелігі-пациенттерге білікті медициналық көмек көрсету үшін операциялық блок пен перзентхана залының болуы.
Реанимациялық залдар «open space» қағидаты бойынша ашылған, бұл медициналық персоналға пациенттердің жағдайын бақылауға жеңілдетеді. Госпитальде барлығы 160 жұқпалы төсек, 20 боксталған палата, 20 реанимациялық төсек бар.

Стационарды жобалау кезінде ғимараттың ішінде эпидемиологиялық режимді сақтауға көп көңіл бөлінді.