Қазақстанда 2020 жылға дейін байланыс операторлары халық саны 500 адам болатын барлық елді-мекенді мобильді байланыспен қамтуы тиіс, деп мәлім етті ҚР ақпарат және коммуникация вице-министрі Сәкен Сәрсенов.
«Ұялы байланыс операторларының халық саны 500 адамды құрайтын елдімекендерді байланыспен қамту міндеттері бар. Бұған дейін олар халық саны мың адамды құрайтын елдімекендерді ғана қамтып келген болатын», — деді С.Сәрсенов сәрсенбіде.
Бұл ретте отандық операторлар бюджетке 2016 жылы 4G жиілілікті қолданғаны үшін Т78 млрд. төлеуі тиіс.
«Барлық ұялы байланыс операторлары осы жылдың аяғына дейін 4G жиілілікті қолданғаны үшін 78 млрд теңге төлеуі керек. 32 млрд теңгесі төленген», — деді ол.
Бұл ретте, вице-министр атап өткендей, осы жылы Қазақстандағы ұялы операторлар былтырға қарағанда аз жұмыс жасаған.
«Жылдан жылға сала шығыны (ақшалай сипатта — КазТАГ) 2015 жылмен салыстырғанда 4% құраған. Ақшамен айтсақ, 2015 жылы — Т124,5 млрд теңге», — деді С. Сәрсенов.
Оның айтуынша, 4G енгізгеннен кейін 2017 жылы нарық қайта қалпына келіп, өсім болуы тиіс.
