Облыс әкімінің орынбасары Ұ.Сәдібеков бастаған оңтүстікқазақстандық құрамның Тәжікстан Республикасындағы іс сапары жалғасуда. Бүгін делегация мүшелері Соғди облысының бизнес қауымдастығымен кездесті. Екі жақты басқосуда ОҚО кәсіпкерлік басқармасының басшысы М.Қарабаев өңірдегі кәсіпкерлікті қолдау бойынша атқарылып жатқан жұмыстар мен облыстың инвестициялық мүмкіндіктері туралы кеңінен мағлұмат берді. Мəжілісте бизнес өкілдері сұрақтар қойып, қызығушылықтар білдірді.
Одан кейін Соғди облысының төрағасы Абдураxман Кодири оңтүстік делегациясын ресми қабылдады. Кездесуде екі өңір арасындағы əлеуметтік жəне экономикалық қарым қатынасты нығайту мəселелері талқыланды.
Оңтүстік құрам енді Душанбе қаласына аттанып, бірқатар маңызды іс шараға қатысады. Іссапар жалғасуда.
