«Бөрте» бастауыш партия ұйымының мүшелері партиялық куәліктерге ие болды

Өткен жыл соңында Ордабасы ауданына қарасты Бадам елді мекенінде орналасқан «Бөрте Милка» кәсіпорнында «Бөрте» бастауыш партия ұйымы құрылған болатын. Яғни аталмыш мекемде жұмыс жасайтын 70 қызметкер өз еріктерімен «NUR OTAN» партиясының құрамына мүшелікке қабылдануға ұсыныс білдірген.

Айта кетсек еліміздегі көшбасшы партияның Түркістан облысындағы филиалы тарапынан фермерлік салаға басымдық беріліп, биылтырғы жылдың өзінде осы бағытта 10 бастауыш партия ұйымы құрылған. Осы орайда 1 Наурыз Алғыс айту күні мен «NUR OTAN» партиясының 21 жылдық мерейтойы қарсаңында «Бөрте» бастауыш партия ұйымының мүшелеріне партиялық билеттер салтанатты түрде табыс етілді. Ал осы бір айтулы шарада құттықтау сөз сөйлеген «NUR OTAN» партиясы Ордабасы аудандық филиалы төрағасының бірінші орынбасары Бостандық Жәкей өндіріс орны жанынан ашылған бастауыш партия ұйымының алдағы жұмысына сәттілік тіледі. Аудан көлемінде ғана емес елімізге белгілі сүт өнімдерін өңдеумен айналысатын «Бөрте Милка» ЖШС-не Түркістан облыстық мәслихатының депутаты Нұралы Әбішев жетекшілік жасайды.

Ал нақ осы іргелі зауыт жанынан құрылған «Бөрте» бастауыш партия ұйымының төрайымы Жаннат Гилажаева да бұл күні партиялық куәлікке ие болды.
Жалпы бастауыш партия ұйымдары жергілікті жерлерде партия саясаты мен оның стратегиялық міндеттерін жүзеге асырып халықпен және әрбір партия мүшесімен етене жұмыс істейтін құрылым.