Еліміздің ұстаздары бірінші сыныпқа арналған бірыңғай базалық оқытуға дайын, деп мәлімдеді ҚР Бiлiм және ғылым министрi Ерлан Сағадиев.
Үкіметтің ресми сайтында жарияланған хабарда айтылғандай, «2016 жылы барлық деңгейге арналған Мемлекеттік білім беру стандарты мақұлданды. Біз көп жұмыс істедік, ол әлемдік стандарттарға сай болып отыр. Жаңа МЕСБ бағдарламалары кезең-кезеңмен 30 пилоттық мектепте апробациядан өтуде. Барлық жерде оңтайлы көрсеткіш белгіленіп отыр. Біз оқушылар мен ұстаздардан, ата-аналардан жақсы пікірлер естідік», — деді Е.Сағадиев тамыз кеңесі барысында.
Министр айтып өткендей, бірінші сыныпқа арналған базалық оқытулық дайын болды. «Менің оған көзім жетті. Толық шығарылды. Қазір мектептерге оқулық жеткізу жүзеге асуда. Жалпы, базалық оқулықтар өте зор мәнге ие. Бұл өңірлер арасындағы білім алу сапасын да арттырады, оған қоса, бюджеттік қаржының тиімділігіне де әкеледі, одан әрі біз олардың мазмұнымен жұмыс жасайтын боламыз», — деп баса айтты Е. Сағадиев.
