Тәуелсіздік алғалы қазақ даласы жаһанданған елдермен терезесі тең болуға ұмтылуда. Заман талабы солай, “қатарыңнан қалма!” деп те айтып қамшылап жатады, қазақ баласын. Халқы тығыз орналасқан еліміздің үшінші мегаполисі дамудың даңғыл жолына түсіп, жыл басынан жаңашылдыққа толы жаңалықтарымен тізгінді бекем ұстады. Оған дәлел, шаһарымызда ашылған “SHYMKENT SPA” сұлулық және сауықтыру кешені. Заманауи дизайнда салынған орталықтың ерекшелігі көп.
“Тазалық – иманның жартысы” деп тәрбиеленген ұлттың ұрпағы тәннің ғана емес жанның тазалығына аса назар аударған. Ертеден табиғатпен үндесіп, оның бар кереметін тірішілікте пайдаланған. Бүгінде “орыс моншасы” деп аталып жүрген бумен жуыну алғаш V ғасырда Еділ патшаның ордасында болғаны белгілі. Сол заманның өзінде монша тек тән тазалығы үшін ғана емес, шаршауды басатын орын ретінде қолданылатынын Византия елшісі Прискінің Еділ патшаның ордасына барған саяхатында жазған деректерінен аңғаруға болады. “Шығыс моншасы” ұғымының осы тарихы тереңдігінен орасан атаққа ие болғаны анық. Ал, 17 ғасырда Ұлыбританияда алғаш бальнеотерапия деген атаумен СПА орталықтары пайда болды. Әдетте монша мен СПА-ны бір мағынада қолданып жатады. Шығу тарихы да, қолдану аясы да тым бөлек процедура түрлерінің өз ерекшеліктері бар. Микроклиматынан бастап пешке арналған тастары мен ағзаға әсер ету жолдары да әртүрлі. Мысалы, СПА — тек массаж кабинеттері мен соңғы үлгідегі техникалық жабдықтар ғана емес . Оның қолтаңбасы бөлек, атмосферасы өзге үйлесімділік пен сұлулықтың кеңістігі. Дүние жүзінің тәжірибесінде ең керемет СПА- центрлер философиялық көзқараста ұйымдастырылуы бөлек алаң ретінде танылады. Ал, даланың еркін өскен баласы үшін жабық алаңдағы әуен мен түрлі мәдениеттен келген демалу бөлмелері қалай бағаланады? “SHYMKENT SPA” сұлулық және сауықтыру кешенінің ашылу салтанатына келген қонақтар мұны бағаламай кетпесі анық.
Мегаполис төрінен ашылған 3 қабатты мына ғимарат заманның соңғы талабына сай, сіздің демалуыңыз үшін барлық жағдай жасалған сауықтыру кешені. Онда әйелдер және ерлерге арналған жуыну залдары мен түріктің атақты хамамы, финдік жуыну бөлмелері, массаж бен сұлулық салондары орналасқан. Ерекше атап айтар денсаулығыңызға пайдасы ұшан-теңіз тұзды шахтасы да бар. Сонымен қатар, отбасыңызбен жеке демалуыңыз үшін vip залдар қызмет көрсетеді. Алғаш аяқ басқаннан күнделікті күйбең тіршілікті ұмыттырып жан дүниеңізді тазарту үшін арнайы әуен де қосулы. Жаңа дизайн, сыпайы қызмет көрсетуші мамандар қайта серпілуіңізге жағдай жасайды. Себебі, кешеннің халыққа пайдалы болуы үшін шетелдік тәжірибені негізге алдық дейді мекеме басшысы Берік Утебаев.
Ғалымдардың зерттеуіне сенсек, дұрыс ұйымдастырылған СПА процедурасы қарқынды спорттық жаттығумен бәсекелестікке түсетінін айтуға болады. Ал бумен жуыну сымбатты әйелдер үшін қымбат косметикалық құралдардан артық пайдаға асатын көрінеді. Финдік құрғақ ауа денеңіздегі суықты шығарса, атақты хамам жасушаларыңыздың дем алуына әсер етеді.
