Облыс басшысы Өмірзақ Естайұлы Шөкеев селекторлық режимде өткен аппараттық мәжілісінде аудан, қала әкімдері мен облыстық «Nur Otan» партиясы филиалдарына «Қамқорлық» жобасын іске асыруды тапсырды.
Осы орайда, Түлкібас ауданының ауылдық округ, кент әкімдері тұрғындармен жеке-жеке жұмыс жүргізу нәтижесінде жағдайы өте төмен 93 отбасының тізімі жасақталды.
Аудан әкімі Н.Тұрашбеков, аудандық мәслихат хатшысы С.Сейсенбаев, аудандық ардагерлер және қоғамдық кеңес төрағалары әр отбасымен жеке-жеке танысып талап-тілектерінің шешілу жолдарын қарастырды.
Бүгінгі таңда сол отбасыларға Түлкібас ауданы әкімдігінің ұйытқы болуымен «Феррум Констракшн» ЖШС-нің, «Грамад» гипермаркетінің және «Мадина» макарон фабрикасының демеушілігімен әзірленген азық-түліктер себеттерін «Мейірім» еріктілер тобы үйлеріне жеткізуде.
Жаңа жоба белгілі бір себептермен қиын сәттерді басынан өткеріп жүрген отбасыларға жан-жақты қамқорлық көрсету арқылы, оларға кедейлік шеңберінен шығуға мүмкіндік беретіні анық.
