Жаңа жылдың алғашқы аптасы Арыс қаласындағы «Төлеген Тәжібаев атындағы отбасы үлгісіндегі балалар ауылының» тәрбиеленушілері үшін қуанышты басталды. Оларға көтеріңкі көңіл күй мен жылулық сыйлаған отандық «Nur Otan» партиясының Түркістан облыстық филиалы. Бір топ партия мүшелері «Бақытты отбасы» жобасы аясында орталықта тәрбиеленетін 63 балаға қажетті заттар табыстады.
Әрқайсысына мезгілдік аяқ киімдер сыйлап, көңілдеріне қуаныш ұялатты. Ақ көңілмен сыйлықтарды үлестірген «Nur Otan» партиясы Түркістан облыстық филиалы төрағасының бірінші орынбасары міндетін уақытша атқарушы Қалыйма Жантөреева болды. Балаларға арналған сыйлықтардың ішінде Түркістан облыстық мәслихатының депутаты, «Нұр Отан» партиясының мүшесі Дулат Назарбекұлының да арнайы тартуы бар.
Материалдық қажеттіліктен бөлек, рухани дамуы үшін кітаптар мен шетелдерден әкелінген кәдесыйлар балаларға табысталды. Партия мүшелері бүлдіршіндерге тек заттар беріп қана қоймай, сонымен қатар ерекше назарына алып, мейірімге бөледі.
Тиісінше, балалар ауылының тәрбиеленушілері келген қонақтарға алғыс ретінде ән мен биін арнап, өзге де өнерлерін көрсетті. Барлақ балалардың атынан “Nur Otan” партисына өз қолдарымен жасаған естелік сыйлығын табыстады.
Отандық партия ұйымдастырған «Бақытты отбасы» жобасы аясында алдағы уакытта осы секілді қайырымдылық шаралары ұйымдастырылмақ.
