Мегаполис жұртшылығына мереке қарсаңында бірнеше мекеменің кілті табысталды. Солардың бірі ОҚМПУ білім беру ошағында тағы да жаңа “Студенттер үйінің” ашылу салтанаты өтті. Айтулы шараға қала әкімі Ерлан Айтаханов қатысты. 241 орындық жатақхана да шәкірттер үшін барлық жағдай жасалған. Атап айтсақ ғимарат ішінде арнайы спорт зал, компьютермен жабдықталған оқу бөлмелерімен асхана орналасқан.
6 қабатты ғимаратқа университеттің жаратылыстану факультеті тарих және география кафедрасы студенттері орналастырылады. Бұл “Cтуденттер үйі” соңғы бір жарым жылдағы екінші мекеме. Жатақхана “президенттің бес әлеуметтік бағдарламасы” аясында салынған.
