«Менің туым, Менің Отаным». Дәл осындай атаумен ҚР Тұңғыш Президент күні мерекесіне орай патриоттық акция өткізілді. «Nur Otan» партиясының ұйымдастыруымен бастау алған шараға Шымкент қаласының әкімі Ерлан Айтаханов пен қаланың белсенді жастары қатысты. Акция барысында ҚР Мемлекеттік Туы салтанатты түрде көтеріліп, гим орындалды.
«Менің туым, менің отаным» акциясының мақсаты — мемлекеттік туымымызды насихаттап, қазақстандық жастардың туған елге деген отансүйгіштігін ояту. Аталған акция Шымкенттің ірі сауда орталықтарында, жоғары оқу орнындарында өткізілген болатын. Енді, міне жетінші мәрте Оңтүстік Қазақстан Мемлекеттік Медициналық акамедиясының алдында ұйымдастырылуда.
Акция барысында патриоттық әндер шырқалып, жастар көк туды желбіретіп белсенділік танытты. Мегополис әкімі жастармен бірге ҚР мемлекеттік туын салтанатты түрде көтеріп, әнұран шырқалды. Сонымен қатар, Ерлан Айтаханов қаланың белсенді жастарына партиялық билет табыстады.
Әрбір мемлекет үшін отаншылдық рухта тәрбие беру маңызды. Осындай шаралар келешек ұрпақтың еліне деген сүйіспеншілігін оятып, Мемлекеттік Рәмізді қастерлеп қадір тұтуына септігін тигізеді.
«Айғақ» ақпарат
