Табанды еңбегінің арқасында геология ғылымда жаңалық ашқан тұңғыш қазақ қызы Патшайым Тәжібаевның 100 жылдық мерейтойы аталып өтті. Алматының төрінде мемлекет және қоғам қайраткерін еске алу кешіне 24 елдің ғалымдары қатысты.
Жиын барысында қазақ әйелдері арасынан шыққан тұңғыш геолог ғалымның өмір жолы мен елге сіңірген еңбегі жөнінде мәліметтерді баяндалып, тағы бір құнды кітаптың лентасы қиылды.
Патшайым Тәжібаева жайында тың деректермен танысқыңыз келсе онда аталмыш кітапты оқуға кеңес береміз. Геолог проблемалары және Евразия елдерінің минералдық шикізат базасын дамыту Патшайым Тәжібаеваның туғанына 100 жыл толуына арналған xалықаралық ғылыми конференция екі күнге жоспарланған.
Бүгінгі іс шараға Патшайым Тәжібаеваның құрдастары да қатысып, естеліктерімен бөлісті. Геология-минералогия ғылымының докторы, профессор, Қазақстан ҰҒА корреспондент мүшесі, мемлекет және қоғам қайраткерінің есімі бірнеше білім ордаларына есімі берілген. Төлеби ауданы, Қазығұрт елді мекенінде орналасқан мектеп директорлары конференцияда өздерінің жылы лебіздерін білдірді.
Патшайым Тәджібаеваның суреттері қойылған көрме ұйымдастырылып, литология ғылымының негізін қалаушының жаңалықтары жазылған тақтайшаларда ұйымдастырылған. Шетелдік геолог ғалымдар Патшайым Тәжібаева негізін қалап кеткен литиология саласындағы дамуы жолындағы жаңалықтарымен бөлісті.
«Айғақ» ақпарат
