Қарыз жүктемесін азайту үшін бағдарламаға қатысу мәртебесін тексеру енді QR коды арқылы да қол жетімді болды

ХҚКО және Банк бөлімшелеріне «Қазақстан Республикасы азаматтарының борыштық жүктемесін азайту шаралары туралы» Президенттің 26.06.2019 жылғы №34 Жарлығына сәйкес, несие берешегін өтеу сұрақтарымен көптеген адамдар келуде, деп хабарлайды «Азаматтарға арналған үкімет» мемлекеттік корпорациясы» Түркістан облысы филиалының баспасөз қызметі.

Қарыз жүктемесін азайту үшін бағдарламаға қатысу мәртебесін тексеру үшін ҚР Еңбек және әлеуметтік қорғау министрлігінің сайтындағы арнайы қызметті қолдану арқылы: https://www.enbek.gov.kz/public/irs/kk/status-check, 111 бірыңғай нөмірі арқылы, egov.kz порталы және ХҚКО-на жүгінетінбіз.

Енді азаматтарымыздың уақытын үнемді пайдалану үшін бағдарламаға қатысу мәртебесін тексеру QR-коды арқылы кез келген жерде тексеру қол жетімді болды.

QR-коды арқылы қызметті қолдану әдісі:

1) Ұялы телефоныңызға Plаy Маркет бағдарламасы арқылы QR-код бағдарламасын жүктеу,

2) QR-код бағдарламасында камера линзасын кодқа апарыңыз,

3) Ашылған ресми интернет ресурсында ЖСН енгізіп өзіңізге қажетті ақпаратты алу.

Уақытыңызды әр түрлі жұмсауға болады, бірақ біз әрқашан сіз үшін оңтайлы шешім табуға тырысамыз және бос уақыттарңызды жақындарыңызға көбірек жұмсағандарыңызды қалаймыз.