Әскери міндет және әскери қызметшінің мәртебесі туралы ҚР-ның Заңына сәйкес жұмыстары жүргізілуде. Ал әскери қызметші болғысы келген азаматтарға қойылатын негізгі талаптар мынадай. Денсаулығы жарамды, бұрын сотты болмаған және әскери билеті бар азаматтар келісім-шарт негізінде қызметке орналаса алады. Сондай-ақ, үміткердің орта немесе жоғары оқу орнын бітіргені туралы куәлігі де болуы тиіс. Келісімшарт қызметкерлерінің жалақысы штаттық лауазымына байланысты белгіленеді. Пәтер және тұрғын үйі жоқ әскери қызметшілерге ай сайын пәтер ақысы төленіп, айына бір рет комуналдық қосымша төлемақы беріледі. Сонымен қатар, әскери қызметші мен оның отбасы емделуге қажетті тегін медициналық көмек түрлерін де пайдалана алады. Ендеше Қарулы күштер қатарында еңбек етіп, өз ісіне жауапкершілікпен қарайтын және тиісті талаптарға сай келетін азаматтар ОҚО Қорғаныс істері жөніндегі департаментіне келіп есепке тұрып, кеңес алуларына болады.
Абай Омар