Сейсенбі күні Оңтүстік өңірінің орталығы Шымкент қаласынан, Сарыағаш, Төлеби, Түлкібас, Созақ, Мақтарал, Қазығұрт, Шардара, Түркістан және Кентау қала, аудандарынан жалпы 250-ге жуық тұрғын облыс әкімінің мәжіліс залында жиналып, департамент бастығының есебін тыңдады. Есепті кездесуге, тұрғындармен қатар облыстық мәслихат депутаттары, қоғамдық кеңес және ардагерлер кеңесі төрағалары мен мүшелері, сондай-ақ ОҚО ІІД басшы құрамы қатысты. Өткен 5 жылда атқарылған жұмыстарға тоқталған полиция генерал-майоры Асқар Шуашұлы өз сөзінде, жылдан жылға учаскелік полиция тіректерінің саны 201-ге артқанын, 13 ауданда 156 бейнебақылау камераларының орнатылғанын, учаскелік полиция тіректерінің жанынан 262 Қоғамдық кеңестердің құрылғанын атап өтті. Сондай-ақ, 2012 жылы Мақтарал, Сарыағаш, Түркістан қалаларында 25-50 орындық арнайы қабылдау бөлімдері ашылғанын және ОҚО ІІД жеке құрамы 640 шаттық бірлікпен толыққанына тоқталды.
Өз кезегінде, 2011 жылы кісі өлтірудің 128 жайты тіркеліп, ашылу пайызы 31,2 құраса, ал 2015 жылы 79 жайт тіркеліп, ашылу пайызы 63,3-ке яғни қылмыстардың ашылуы 24,8 пайызға жоғарылаған. 2011 жылдан бері қарақшылық шабуыл және тонау жайттарының саны айтарлықтай төмендеген. Ал, қарумен жасалған қылмыстар саны 50 пайызға төмендеген. 2015 жылы полицейлер есірткі айналымының 281 жайтын әшкерелеген болса, бұл 2011 жылмен салыстырғанда 2 есе жоғары көрсеткіш. Жасөспірімдермен жасалған қылмыстың саны 30 пайыздан жоғары көрсеткішке қысқарған.
Ағымдағы жылдың басында ОҚО ІІД-де жаңа құрылым- Жергілікті полиция қызметі құрылып, департаменттің бірнеше бөлімдері, жол-патрульдік полициясы және учаскелік инспекторлар қарамағына енді. 2015 жылы тәртіп сақшыларының қылмыстар мен құқықбұзушылықтардың алдын-алу және ескерту шараларының нәтижесінде 252675 әкімшілік құқықбұзушылық анықталып, бұл көрсеткіш 2011 жылмен салыстырғанда 56,8 пайызға жоғары. Соңғы 5 жылда айыппұлдан облыстық бюджетке 6 млрд. теңгеден астам ақша өндірілді.
Сондай-ақ, тұрғындар генерал майор А.Оспановқа көкейінде жүрген сұрақтарды қойып, тиісті жауабын алды. Департамент бастығына журналистер, қоғамдық кеңес мүшелері және маслихат депутаттары да сауалдар мен өз ұсыныстарын жолдады.
Маслихат депутаттары қазіргі қоғамдағы полицияның беделін арттыратын кинолар мен бейнероликтер түсіруді ұсынып, қоғамдық қауіпсіздікті қамтамасыз ететін полицейлердің жұмысына жоғары баға беріп, алғыс айтты.
Сонымен қатар, кездесу соңында департамент бастығы Асқар Оспанов Оңтүстік Қазақстан облыстық ІІД жанындағы Консультативтік –кеңесші органның төрағасы, милиция генерал-майоры Жеңісбай Сұлтановқа КСРО-ның екі дүркін батыры Талғат Бегелдиновтың естелік медалін табыстады. Және Ішкі істер органдарының құрметті ардагері, отставкідегі полковнигі Батырхан Өмірзақовты 80 жылдық мерейтойымен құттықтап, қазақи салтпен шапан жапты.
