— 26 жыл ішінде «Болашақ» бағдарламасы аясында 13 мыңнан астам стипендия тағайындалса, шет елде білім алған студенттердің 10 мыңы елге оралған. Өзге елде білімін шыңдауға ниеттенген талапкерлер санының артуына байланысты грант көлемі ұлғайыпты. Дәлірек айтқанда 2019 жылы Қазақстаннан шекара асып оқуға ұсыныс білдіргендер үшін «Болашақ» халықаралық степендиясы 20 мыңға жуық грант бөліп отыр.
— Теріскейдегі тірлік табанды жүзеге асып келеді. Өткен жылы өнеркәсіп өнімі өркендеп, бюджетке түскен салықтық қаражаттың көлемі артқан. Биыл бұл межені тағы да асыра орындау жоспарланып отыр. Мәдени іс-шаралардың да қатары көп. Мәселен, Биыл ұлт мақтанышы Сұлтанбек Қожановтың туғанына 125 жыл. Ақсүмбе азаматының есімін иеленген туған ауылындағы мектеп ғимараты жаңартылмақ. Аудандағы бірқатар мектептердің мәселесі де шешіледі. Жылдық есептің жалпы қорытындысы қандай болды?
— Төлеби ауданында агроөнеркәсіптік кешенді дамытуға күш салу қажет. Аудан әкімі Бауыржан Омарбековтің қорытынды есеп беру жиынына қатысқан Жансейіт Түймебаев осылай деді. Ауданға арнайы ат басын бұрған Түркістан облысының әкімі туризмді аймақтың әлеуетін де арттыру керектігін, атқарылған жұмыстарға баға берді.
— Еліміздің бірқатар облыстарында ызғарлы қыс маусымы қаһарына мініп тұр. Яғни ақпан айының басында аймақтарда күн райы күрт суытып қалың қар қар түсіп үлгерді. Бұл ретте күні шуақты саналатын Түркістан облысындағы маңызды көлік жолдары мен асулардың ахуалы қандай? Осы сауал төңрегінде арна тілшілері «Оңтүстік жолдары» мекемесінің қыс мезгілінде атқарып жатқан жұмыстарымен етене танысып қайтқан болатын. Облыстық маңыздағы 4300 шақырымға жуық жолдарды қыста қардан тазартып күтіп ұстауға жауапты мекеменің мамандары қазіргі таңда аймақта жолдар мен асулардағы жағдайдың тұрақты екендігін айтады.
— Жемқорлық – қоғамдағы қауіпті дерт. Жең ұшынан жалғасқан жемқорлықтың сан түрі дәл бүгінгі күні қаптап кеткен. Алайда, елімізде бұл мәселенің алдын алуда біршама ілкімді істер атқарылуда. Барлық салада «Цифрлы Қазақстан» жобасы аясында электронды түрде жұмысқа қабылдану мен қызмет көрсету басталып кетті. Соның бірі — білім саласында. Балаларды мектепке, балабақшаға және педагогтардың білім ошағына ешқандай парасыз қабылдануы үшін sitcen.kz жобасы ұйымдастырылды. Аталған жоба аясында Түркістан облысында білім саласындағы заң бұзушылық 65 пайызға төмендеген. Бұл — қоғамда орын алып жатқан сыбайлас жемқорлық 100 пайыз тыйылды деген сөз емес. Әлі де күрес жалғасын табуда. Осыған орай мамандардың арнайы пікірін біліп қайтқан болатынбыз. Шымкент қаласы Білім саласындағы бақылау департаментінің басшысы Жанат Тәжиева лицензия алудың өзіндік заңнамасын түсіндіріп берді.
— Әлеуметтік желіде тараған кішкентай баланың өз отбасын асырап отырғаны туралы видеоны көрген боларсыз. Әуесқой түсірілімнен 6 сынып оқушысының қажетсіз темірлерді жинап, одан түскен ақшамен кішкентай 5 бауырын асырап отырғаны мәлім болады. Бұл видео барша мейірімді жандарды елең еткізбей қоймады. Қамқоршы азаматтар жұмыла ақша жинап, кішкентай батырдың отбасына баспана алып берді.
