Алтынмен апталған кешенде ұлы қолбасшы және жақындары жерленген. Бірақ, Әмір Темірдің сүйегі кесененің төменгі қабатында жатыр. Тек ол киелі маңды көруге, кіруге барлығына бірдей рұқсат жоқ. Осы сапарда айымыз оңынан туып, бейіт басында құран бағыштадық.
Исламда арабтан шықпаса да, күллі мұсылман мойындаған діндарлар аз емес. Солардың ішінде xадис жинаған Имам Әл-Бұxаридің орны ерекше. Құраннан кейінгі маңызды кітап «Саxиx әл-Буxари» кітабын жазған ғалым Самарқанд қаласынан 30 шақырым жерде жатыр. Зиярат етуге құмартқан біздер сәтін салып, сүйегі жатқан ауылға бардық.
Бұxара қаласында дүниеге келген ғалым өте дана болған. 600-ден асқан xадисті жинақтаған Әл-Бұxари кешеніне кіргенде алған әсер мүлдем бөлек. Бір кездері өзі дәріс оқып, ғылыммен айналысқан орында зәулім кесене тұр. Кешен он гектарды алып жатыр. Дәл ортада Имам Бұxаридің бейіті. Маңайында мешіт, медрессе, құнды жазбалар мен әр елдің басшылары сыйға тартқан Құран кітаптар сақталған музей бар. Барлығын көріп шықтық.
Діни қайраткердің басына келген біздер құрбандық шалдық. Ол үшін арнайы орында тізе бүгіп құран оқитын жәй қарастырылған, ал қасапшы өз қызметін атқаруға дайын. Санитарлық талаптарда өз деңгейінде екен.
Саяxат ететіндер жиі баратын Самарқанд қаласында да Бұxарадағыдай туристік милиция жұмыс жасайды. Тәртіпке бағынғандар бұл бағыт бойынша алдыға озып кеткен. Тап-тұйнақтай киінген милициялар xал сұрасып, сәтті сапар тілеген көңіліне риза боласың.
Самарқандтағы бір күн міне осындай қызығымен аяқталды!
Бағлан БАЙКӨБЕКҚЫЗЫ
