Қазақстанда 2019 жылдың соңына дейін салықтық берешек туралы СМС хабарламаны іске қосу жоспарлануда, деп мәлім етті республиканың қаржы министрі Әлихан Смаилов.
«Біз өзімізде жыл соңына дейін салықтық берешек туралы СМС хабарламаны іске қосуды жоспарлап отырмыз. Оның үсітне, бұл бәрібір ол азамат уақытылы төлейді дегенді білдірмейді, сондықтан шекарадан өту барысында қазір сол жердегі терминал арқылы төлеу мүмкіндігі ұсынылған және төлемнің қабылданғандығы туралы хабар сол сәтте келеді, себебі біз банктермен электронды үкімет шлюзі арқылы тікелей байланыста біріктірілдік. Және бұл 2-3 минут ішінде төлем туралы ақпаратты көруге мүмкіндік береді. Сондықтан қазір шекарада ондай проблема жоқ», — деді дүйсенбі күні үкімет сағаты барысында депутаттардың сұрағына жауап берген Смаилов.
Жалпы, оның айтуынша, бүгінде әрбір салық төлеуші өзінің берешегі жайында e-gov порталында, қаржы министрлігінің салық төлеуші жеке кабинетінде, банктің онлайн-сервисі арқылы біле алады.
«Сонымен қатар, біз екі өңірде қанатқақты жобаны жүргізудеміз — Солтүстік Қазақстан мен Қарағанды облыстарында – біз көлік құралдарына қатысты төлемдер туралы салық төлеушілерге мәліметтерді бағыттаймыз. Осының нәтижесінде биыл салықтық берешектің барлық түрі бойынша Қазақстан аумағында SMS-ескертуді енгізуді жоспарлап отырмыз», — деді министр.
