— Түркістан облысының әкімі Жансейіт Түймебаев Франция Ұлттық Ассамблеясының депутаты, «Франция-Қазақстан» достық тобының төрағасы Пьер Кабарэ мырза бастап келген делегациямен кездесті. Мәртебелі қонақтарға алдымен облыстың келешектегі даму жоспарын таныстырып аймақтың экономикалық әлеуетін сөз еткен өңір басшысы Түркістан облысында инвесторларға барынша қолайлы жағдайлар жасалып отырғандығын жеткізді. «Бұл ретте француздық компаниялар «Ақылды қала» сынды озық жобаларды ұсыу арқылы біздің аймақпен бірлесе жұмыс жасауға ниетті екендіктерін білдірді.
— «Айғақ» телеарнасының шығармашылық ұжымы Ресей Федерациясының құрамындағы қазақтың байырғы астанасы Орынбор қаласында іс-сапармен болды. Тарихи астанада түсірілім жұмыстарын жүргізудің негізгі мақсаты – Орынбор шаһары туралы және онда білім алған алаштың қайраткерлерлері жөнінде деректі фильм түсіру. Ізденістен талмаған ұжым қызықты ақпараттарға кезікті. Соның бірі — Күй атасы Құрманғазының «Балбырауын» күйінің шығу тарихы.
— Түркістан облысы Денсаулық сақтау басқармасының басшысы Мұқан Егізбаев жұмыс сапарымен Новосибирск қаласында болды. Облыстың бас дәрігері Новосібір облысының Денсаулық сақтау вице-министрімен және медициналық мекемелердің басшыларымен кездесті. Жұмыс сапарының қорытындысы бойынша, Түркістан облысы Денсаулық сақтау басқармасының басшысы Мұқан Егізбаев пен Ресей Федерациясы Денсаулық сақтау министрлігінің Новосибирск мемлекеттік медицина университетінің ректоры Игорь Маринкин ынтымақтастық туралы Меморандумға қол қойды. Түркістан облысы Денсаулық сақтау басқармасы мен Ресей Федерациясы Денсаулық сақтау министрлігінің Новосібір мемлекеттік медициналық университеті арасындағы меморандум барысында тараптар өзара түсіністік пен өзара тиімділік негізінде денсаулық сақтау саласындағы ынтымақтастықты дамытуға ниетті. Меморандум барысында мемлекеттік ауруханаларды жаңғырту үшін денсаулық сақтау саласындағы жобаларды іске асыру, телемедицина саласындағы ынтымақтастық, денсаулық сақтау саласында бірлескен ғылыми-практикалық семинарлар, конференциялар ұйымдастыру сондай-ақ, денсаулық сақтау мәселелері бойынша бірлескен бағдарламаларды әзірлеу және жүзеге асыру жоспарлануда. Тараптар медициналық ғылым саласындағы ақпараттармен алмасып, тәжірибемен, жаңа технологиялар мен жаңа медициналық жабдықтарды әзірлемелермен бөлінетін болады. Меморандум жаңа 2019 жылдан бастап күшіне енеді.
– Кентау қаласының өнеркәсіп саласында ағымдағы жылдың 10 айында 26 млрд 379 млн тенгенің өнімі өндіріліп 100 жаңа жұмыс орындары ашылған. Бұдан өзге биыл ауыл шаруашылығы саласы бойынша да жоғары нәтижеге жеткен Кентауда тиісті саладағы өнім көлемі 43 млрд тенгеге жуықтап «Сыбаға», «Құлан», «Алтын асық» сынды мемлекеттік бағдарламалар асыра орындаған. Бұл туралы қала әкімі Әбдібақыт Мақұлбаев 10 айдың қорытындысы бойынша БАҚ өкілдеріне арнап өткізген арнайы баспасөз жиынында мәлім етті.
— «Биология, медицина және фармацияның даму болашағы». Осы тақырыптағы, жас ғалымдармен студенттердің 6 -шы халықаралық ғылыми конференциясы бүгінен бастау алды. Қазақстан Респуликасының Тұңғыш Перзиденті- Елбасының қоры ұйымдастырған алқалы жиын, Оңтүстік Қазақстан Медицина академиясыныда дәстүрлі түрде 6 -шы жыл өткізіліп отыр. Мұнда, 100 ге тарта жастардан, 700-ге тарта медицина тақырыбында ғылыми жобалар келіп түскен.
— 9 желтоқсан — Халықаралық сыбайлас жемқорлыққа қарсы күрес күні. Осыған орай Шымкент қаласының білім басқармасына қарасты барлық оқу орындарында жаппай ашық сабақтар өткізілді. Солардің бірі Политехникалық колледж. Айтулы күнге орай оқу орны апталықтар мен түрлі іс-шаралар ұйымдастырған.
«Айғақ-ақпарат».
