Close Menu
"Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    • Біз туралы
    • Жарнама
    • Байланыс
    Facebook YouTube Instagram Telegram TikTok Threads WhatsApp
    "Айғақ"  ақпараттық порталы"Айғақ"  ақпараттық порталы
    • Басты бет
    • Жаңалықтар
      • Саясат
      • Қоғам
      • Экономика
      • Мәдениет
      • Әлеумет
      • Тарих
      • Боздақтар
      • Спорт
      • Денсаулық
    • Жобалар
    • Сұхбат
    • Айғақ MEDIA
      • Фотогалерея
      • Бейнематериалдар
    • Аймақтар
      • Шымкент
      • Түркістан
      • МӘДЕНИ АСТАНА
    live
    • Біз туралы
    • Жарнама
    • Байланыс
    "Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    Home»Айғақ MEDIA»Жаңалықтар. 1 қараша, 2018 жыл.
    Айғақ MEDIA

    Жаңалықтар. 1 қараша, 2018 жыл.

    Айғақ медиаАйғақ медиа02.11.2018354 Views

    — Түркістанда халықаралық журналистер форумы өтті. Жаңа ақпараттық кеңістік деп аталатын басқосуға түркі тілдес елдердің ақпараттық агенттіктері мен белді басылымдардың жетекшілері қатысты. Форумның басты мақсаты мемлекеттер арасындағы ақпараттық ынтымақтастықты арттыру және өңір журналистикасын дамытудағы тың идеяларды жүзеге асыру болды.

    — 2018 жыл Бәйдібек ауданының тарихында елеулі жыл есебінде қалмақ. Өйткені ауданның құрылғанына биыл 90 жыл.  Қаратаудың бауырында орналасқан киелі Бәйдібек ауданы мерейтойын қарашаның бірі күні тойлауда. Дамудың даңғыл жолына түскен ауданның торқалы  тойына Түркістан облысының әкімі Ж.Түймебаев және осы өңірден түлеп ұшқан түлектер, елге белгілі азаматтар арнайы келген. Іс-шара Бәйдібек Қарашаұлының ескерткішіне гүл қою рәсімімен ашылды. Мұнан соң Ж.Түймебаев Шаян ауылындағы жабық теннис корты мен жабық жүзу басейннінің ашылу салтанатына қатысты. Жалпы Шаян елді мекеніне шетелдік инвесторлардың есебінен құны 1,3 миллиард  теңгеге нысан құрылыстары жүргізілген. Мереке күні лентасы қиылған бірқатар нысандардың ашылу салтанатынан  соң, белгілі азаматтардың бас қосуымен «Шежірелі Шаян, Берекелі Бәйдібек» атты форум өтті. Онда Ж.Түймебаев ауданның әлеуетін көтеріп жүрген азаматтарды алығыс хаттармен марапаттады.  Торқалы той өнер жұлдыздарының  гала концерті және түнгі от шашумен аяқталады деп жоспарлануда! Ауданның мерейтойында түсірілген бейнематериалдың толық нұсқасын ертеңгі жаңалықтарымыздан көре аласыздар!

    — Мемлекет басшысының тапсырмасына сәйкес Шымкентте жалақы өседі. Жалақыны  көтеру кезең-кезеңімен жүзеге аспақ. Мәселен, бір кәсіпорындар қараша айынан бастап көтеруге әзір болса, кейінгісі желтоқсан немесе келер жылдан бастап көбейтпек. Осы және баға өсімінің әсері жөнінде мегаполис басшылары қаладағы алып кәсіпорындардың директорларымен кездесті. Естеріңізде болса, Елбасы қазан айында мәлімдеген Жолдауда ең төменгі жалақы 42 мың болсын деп тапсырған болатын. Бұл бастаманы барлық компаниялар қолдайды деп үміт артты. Миллионды шаһардың әкімі Ғабидолла Әбдірахымов кездесуге қатысқан 70-тен астам кәсіпкерге еңбекақы жөнінде уәделесті. Азық-түлік пен бірінші кезекте қажетті тауарларға бағаның өсуі мәселесі де жеке талқыланды. «Баян сұлу» сауда үйінің иесі жалға беру құнын көтермейтінін, бағаны тұрақтатуға мүмкіндік жасайтынын айтты. Қаладағы ірі базар басшылары да өз кезегінде бағаны ұстап тұру үшін қажетті шаралар қолдануға уәде берді. Сонымен қатар, Шымкент қаласы әкімдігінің жанына штаб құрылды. Онда ірі сауда орталықтарының басшыларымен бағаның өсуіне жол бермеу мәселесі бойынша жұмыс жасалмақ.

    — Түркістанда халықаралық медиа орталық ашылды. Бұл қадам өңірдің түркі әлемінің рухани әрі ақпараттық алаңына айналуына серпін бермек. Салтанатты шараға Түркия, Әзірбайжан, Татарстан және Қырғызстан елдерінен келген ақпарат құралдарының  жетекшілері мен өкілдері қатысты. Облыс әкім Жансейіт Түймебаев жаңа орталықтың жұмысына сәттілік тіледі.

    — Енді емханаларға ұялы телефон арқылы тіркеліп, ұзын-сонар кезек күтпей-ақ емделуіңізге мүмкіндік бар. Яғни, өзіңіздің тіркелген медициналық мекемеге барып қолыңыздағы байланыс телефонға арнайы ақпараттық жүйені жүктейсіз. Сосын өзіңізге ыңғайлы уақытта, таңдаған дәрігеріңізге барып емге кірісесіз. Бұл дәрігер мен науқастың уақытын үнемдеуге тиімді.

    — Елімізде жыл сайын қазан айының соңғы жексенбісінде – Әлеуметтік қызметкерлер күні аталып өтіледі. Осыған байланысты Шымкент қаласында әлеуметтік қызметкерлерді құттықтау мақсатында іс-шара өтті. Онда аталмыш салада еңбегі сіңген қызметкерлер алғыс хаттармен марапатталды.

    — Мемлекет басшысы жыл сайынғы  дәстүрлі жолдауларында егемен еліміздің өсіп- өркендеуі жолында айқындап берген басымдықтар ішінде ұлт денсаулығына айрықша көңіл бөліп келеді. Міне осы бағыт аясында Қазығұрт аудандық орталық ауруханасында  да ауқымды жұмыстар атқарылып келеді. Яғни 107 мыңнан астам  тұрғынға қызмет көрсететін мекемеде медициналық қызмет түрлерін  цифрлық жүйеге қосу бойынша да  кешенді жұмыстар атқарылып отыр. Сонымен бірге кейінгі жылдары заманауи үлгідегі медециналық жабдықтармен қамтылып бірқатар көрсеткіштер бойынша оңды нәтижеге қол жеткізіп отырған  аурухана жұмысын әрмен қарай тілші сабақтайды.

    — Бүгін «Азаматтарға арналған үкімет» мемлекеттік корпорациясының Шымкенттегі филиалында «Жұлдыздардың ХҚКО-дағы бір күні» атты республикалық акциясы өтті. Бұл күні отандық эстрада жұлдыздары Халыққа қызмет көрсету орталығындағы операторларының жұмысына кірісіп, келушілерге электронды кезек талонын ұсынды.

     

     

     

     

     

    Share. Facebook Twitter Pinterest LinkedIn Email VKontakte Telegram WhatsApp Copy Link
    Айғақ медиа

    Related Posts

    ПУМСЭ ТАЕКВОНДОСЫ РЕСМИ МӘРТЕБЕСІН АЛДЫ

    18.11.2026

    ҰЛТТЫҚ ВАЛЮТАҒА – 33 ЖЫЛ

    18.11.2026

    ЦИФРЛЫҚ ДӘУІРДЕГІ ЖАСТАРДЫҢ ӘЛЕУЕТІ

    18.11.2026
    Leave A Reply Cancel Reply

    ПРЕЗИДЕНТ ЖОЛДАУЫ
    ҚАЗАҚСТАН РЕСПУБЛИКАСЫНЫҢ ПРЕЗИДЕНТІ —
    ҚАСЫМ-ЖОМАРТ КЕМЕЛҰЛЫ ТОҚАЕВ

    Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек.

    БАЙЛАНЫС

    Мекен жайы: Қазақстан Республикасы, Шымкент қаласы, Ғ.Iляев көшесi, №29 үй
    E-mail: aigak@mail.ru
    Телефон: +77014416666

    Қазақстан Республикасы Ақпарат және Коммуникациялар министрлігі ақпарат комитетінде 2019 жылы 13 маусымда тіркеліп, № 17745 — ИА куәлігі берілген.

    Facebook Instagram Telegram YouTube TikTok Threads WhatsApp
    © 2015- 2026 . «Айғақ» ақпараттық порталы. Барлық құқықтар сақталған.

    Type above and press Enter to search. Press Esc to cancel.