№50 сайлау округі бойынша ОҚО мәслихат депутаттығына сайланған Амангелді Сопбековтің үстінен қозғалған қылмыстық іс тоқтатылды. Бұл туралы 25 сәуір күні қаулы шықты. Естеріңізде болса, 20 наурыз күні өткен ҚР Парламенті және жергілікті мәслихат депутаттарын сайлауы кезінде Шардара ауданының жергілікті бір азаматы сол кездегі депутаттыққа үміткер Амангелді Сопбековтің үстінен заңсыз әрекеттер жасады деп шағымданған болатын. Сотқа дейінгі тергеп-тексеру қылмыстық ісі бойынша Сопбеков Амангелді Әбдімәлікұлының әрекетінде қылмыс құрамының болмауына байланысты іс қысқартылды. Осы тұста айта кетейік, №50 сайлау округінен облыс мәслихат депутаттығына үміткер болған Амангелді Сопбеков 20 наурыз күні халықтың 9855 дауысына ие болып, халық қалаулысы атанған болатын.
ӨРТ СӨНДІРУШІЛЕР МЕН ПОЛИЦИЯ БІРЛЕСІП РЕЙД ӨТКІЗДІ
Шымкент қаласында төтенше жағдайлар қызметі мен полиция департаменті бірлесіп кезекті профилактикалық рейд жүргізді. Басты мақсат – жарық шамы мен...
