Қазақта киесіз жер жоқ. Қарт Ертіс кесіп өткен Кереку өлкесі. Осында өтіп жатқан «Ұлы дала» этнофестивалі дарxан далада өз жалғасын тапты. Павлодар қаласының іргесінде киіз үйлер тігіліп, ұлттық киім киген жұрт салт-дәстүрді жаңғыртты. Яғни, Павлодар-Астана тас жолы бойында Ертістің оң жағалауында жүзден аса киіз үйден құрылған этноауыл бой көтерді. Бұқар жырау, Сұлтанмахмұт Торайғыров, Мұса Шорманұлы және Естай ауылы секілді бірқатар үйлер тігіліп, қазақ өнерін тамашалады.
Ал, айтулы мерекені тойлауға таңертеңнен бастап жиылған көпшіліктің қарасы қалың. Дархан далада жалғасын тапқан этнофестивальді көпшілік ерекше қуанышпен тойлауда.
Жоғары деңгейде ұйымдастырылған мерекелік концерттік бағдарламалардан соң келген қонақтар арнайы тігілген киіз үйлерді аралады. Ал мұнда қазақы салт-дәстүр, жөн жоралғыларды дәріптейтін шаралар ұйымдастырылды.
Қазақ халқының ежелгі үрдісін жандандыру, ұлттық салт-дәстүр мен әдет-ғұрыпты кеңінен насихаттау мақсатындағы шараға үлес қосқан ұжымдар да бұл күні ұлттық киім киіп, мерекенің сәнін аша түсті. Жүрекке жылулық беріп, жанды жадырата түскен дархан даланың төсінде өтіп жатқан игі шара адамзат баласы үшін рухани құндылығымен ерек.
Павлодардың төрінен табылған қауым бұл күні ұлттық ойындардың жарысына да куә болды. Даланың дархан пейілін, қазақтың қайталанбас болмыс бітімін, салт-дәстүрі мен өнерін паш еткен дүбірлі той өтті.
Айта кетейік, сапар барысында «Айғақ» арнасының шығармашылық тобы тарихтағы тұлғалар, Павлодар өлкесінен шыққан таланттар туралы сыр шертетін музейге арнайы барып, түсірілім жасады. Онда Елбасының саясатын қолдап, арнайы шақыртумен Түркістан қаласының тумасы Жеңіс Молдабеков директорлық қызметті атқарып жатыр.
Түркістан өңірінен Павлодарға арнайы барған «Айғақ» арнасының шығармашылық ұжымы Керекуде жерлестерді жолықтырып, сұхбаттасып қайтты.
Әріптесіміз Нұрлыбек Жеңіспен кездесу
Сарыағаш ауданының «Құрметті азаматы» Сабеков Сабыр Қожатайұлымен кездесу
Керекуге Түркістаннан барған «Айғақ» телеарнасының түсірілім тобы дүбірлі тойға қатысып, жолға шықты. Алда 2000 шақырым жол күтіп тұр.
«Ұлы Дала» этнофестивалі туралы толығырақ алдағы уақытта «Айғақ» арнасынан толыққанды көре аласыздар.
Бағлан Байкөбекқызы.
