Бүгін «Жеңіс» саябағында республикамызда тұңғыш рет қолға алынған «Ерлік» музейінің екінші ғимараты пайдалануға берілді. Осыған орай, Музей қызметкерлері Ұлы Отан соғыс ардагерлері мен тыл еңбеккерлері, ауған соғысының жауынгерлеріне, жалпы ерлік атаулыға тағзым ету мақсатында құрмет шарасын өткізді.
Өңіріміздегі «Ерлік» музейі ерлікті насихаттауды жалғастырып жатыр. Мұндағы Ұлы Отан соғысының жауынгерлері мен тыл еңбеккерлерінің ерлігін, есімін еске салар жәдігерлерді тағы да тамашалап,екінші қабаттағы жаңа бөлімдермен танысты.
Ардагерлер фотосуреттерге қарап, қаруластары жөнінде естеліктер айтты. Ал, тыл ардагерлері музейдегі әрбір дүниеге қарап, балалық шағы мен туыстарын сағынды. Аталарымыз бұның барлығы да жастарымызға үлгі-өнеге болып қалатынын атап өтті.
Бірінші қабаттағы бөлмелердің ені, биіктігі, көлемі де кішкене болған, ал қазіргі күні ғимараттың екінші қабаты бой көтергендіктен тарлық ету жағдайы болмайтиыны анық. Жалпы ауған соғысының ардагерлері заттарын көптеп тапсыру үстінде,ал ол құнды дүниелерге жоғарғы қабаттағы музейдің төрінен орын беріліп отыр .
«Ерлік» музейінің ең үлкен залы Ұлы Отан соғысы ардагерлерінің құрметіне арналған. Мұнда сол бір сұрапыл жылдарды еске түсіретін жәдігерлер жасақталыпты. Бөлменің ұзындығы – 11 м., ал ені небәрі 4,5 см. ғана.
Айта кетсек, батырлықты ұлықтап жүрген «Ерлік» музейі осыдан 6 жыл бұрын ашылды. Бүгінде онда Ұлы Отан соғысының, ауған соғысының жауынгерлері мен социалистік еңбек ерлерінің жәдігер-айғақтары сақталып жатыр.