Мектеп оқушыларының жазғы демалысында биыл облыс бойынша 26 сауықтыру лагері жұмыс істейтін болады. Ал, оларда жалпы саны 33 мыңнан астам балалар қамтылса, тұрмысы төмен және толық емес отбасылардан шыққан 16 мыңға жуық жасөспірім тегін жолдама негізінде демалады.
Айта кету керек балалардың жазғы сауықтырулары мен лагерьлердің жөндеу құрылыс жұмыстарына жергілікті бюджеттен 382 млн тенгеден астам қаржы қаралған. Міне осының нәтижесінде балалар әсем табиғат аясында түрлі спорттық ойындар мен патриоттық іс-шараларға қатысып жазғы демалыстарын әсерлі өткізетін болады. Сонымен қатар биыл 133 мыңнан астам бала мектеп жанындағы лагерлерге барады. Облыс бойынша 1 мен 10 сынып аралығындағы оқушыларының жалпы саны 600 мыңнан асса соның 162 мың 410-ы, яғни 27 пайызы жазғы демалыс орындарымен қамтамасыз етілетін болады. Осылай деген облыстық білім басқармасының мамандары лагерлердің оқушыларды қабылдауға толық дайын екендігін айтады.
By Айғақ медиа
