Дариға Назарбаева Еуразиялық Медиа Форумның мерейтойлық мүсіншесін Дулат Әбішке табыс етті (видео)

Үш күнге созылған ХV Еуразиялық Медиа Форум өз мәресіне жетті. Сан алуан пікірталаста 50 халықаралық және қазақстандық сарапшылар — мемлекеттік қайраткерлер, саясаттанушылар мен БАҚ өкілдеері спикер болған форумда бағдарламасында өзекті мәселелер қамтылды.

«Эволюцияның 15 жылы: құбылмалы дүние және бізге өзгеріс әкелген әлем» тақырыбында өткен мерейтойолық жиынның соңғы күнінде Халықаралық форумның бастамашысы әрі жобаның авторы Дариға Назарбаева алқалы басқосуға қатысқан модератор, спикерлер және делегаттарды арнайы қабылдады.

Еуразиялық Медиа Форумның 15 жылдық тарихында 60 қатысқан 600 делегаттың ішінде 11 адамға мерейтойлық естелік сый тарту етілді. Ол — Еуразиялық Медиа Форумның мүсіншесі болатын. 11 тұлғаның 5-уі қазақстандық болса, Оңтүстіктен бұл құрметке «Айғақ» телеарнасының басшысы, Қазақстанның Құрметті журналисі, ҚР Президенті жанындағы БАҚ жөніндегі Кеңестің мүшесі Дулат Әбіш ие болды. Әр мерейтойға арнайы жасалынатын мұндай естелік сыйлықты ЕАМФ 10 жылдығында да Дариға Нұрсұлтанқызы Дулат Назарбекұлына арнайы тапсырған еді. Ал, құттықтау сөзді ағылшын тілінде жеткізді.

«Дулат Әбіш — өте қарапайым азамат. Оңтүстікке ғана емес, Қазақстанға белгілі тұлға. Республикалық «Айғақ» газеті мен телеарнасын басқарып отыр. Өзінің іскерлігі мен ұлтжандығының арқасында көптеген жобалардың бастамашысы болып келеді»