Қазақстандық делегация Қырым еліне жасаған сапардың оныншы күнінде осы өңірде іргесі бой көтеріп жатқан жаңа мешіттің құрылысымен танысты. Қазақы қаймағы бұзылмаған Оңтүстік өлкесінің қонақтарын РФ Мемлекеттік Думаның депутаты, ұлтаралық қатынастар жөніндегі комитет төрағасының орынбасары Руслан Бальбек арнайы күтіп алды.
Симферопольде ғана емес,бүкіл Қырым жерінде теңдесі жоқ мешіттің құрылысын аралатып, ондағы атқарылып жатқан жұмыстармен таныстырған Қырымның халық қалаулысы: «Бұл мешіт — осындағы мұсылман қауымының басын бір жерге ұйыстырар ерекше рухани тартылыс орны болады»- дейді. Симферопольдің бас даңғылында орналасқан сәулеті келіскен еңселі кешен кім-кімніңде назарын аудартады. Көлемі 1800 шаршы метр намазханада бір мезгілде 6000 адам құлшылық ете алады. Азан шақыратын мұнараның биіктігі-50 метр.
Төбесіндегі алты күмбез келшекте түнімен үздіксіз жарқырап, Қырым Республикасының астанасы, сәні келіскен Симферопольдің ажарын айшықтай түспек. Тікелей Ресей мемлекетінің президенті Владимир Путиннің назарында тұрған қасиетті орын 2019 жылдың 19 сәуірінде осындағы барша мұсылман қауымының игілігіне беріледі деп жоспарлануда.
Гулжан Нұрланқызы
