Түлкібас аудандық бюджетінің салықтық түсiмдерінің көлемі 2 млрд. теңгеге ұлғайды

Елбасы облыс әкімі Ж.Түймебаевты 2017 жылдың сәуір айында қабылдау барысында 9 тапсырма берген болатын, соның ішінде «Өңірдің салық түсімдері көрсеткішінің төмен екендігін айтып, жоғарылату керектігіне назар аударуды» талап еткен. Осыған байланысты, Түлкібас ауданының әкімі Н.Тұрашбековтің тарапынан тиісті жұмыстар атқарылып, соның нәтижесінде салық түсімдерінің едәуір өсуіне қол жеткізген. Түлкібас аудандық бюджетінің  салықтық түсiмдерінің көлемі 2 млрд. теңгеге ұлғайды. Оған дәлел төмендегі нақты деректер.

Түлкібас аудандық мәслихатының 2015 жылғы 23 желтоқсандағы № 45/1-05 «2016-2018 жылдарға арналған аудандық бюджет туралы» шешімен 2016 жылға салықтық түсімдері 1 969 403 мың теңге көлемінде жоспарланып, толық орындалған.

Сонымен қатар, Түлкібас аудандық мәслихатының 2016 жылғы 21 желтоқсандағы № 8/1-06 шешімі Оңтүстік Қазақстан облысының Әділет департаментінде 2016 жылғы 26 желтоқсанда № 3928 болып тіркелген шешімімен 2017 жылға салықтық түсімдері 3 095 959 мың теңге көлімде жоспарланып, толық орындалған.

Осы айтылған аудандық мәслихатының шешімдерін сараптау барысында Түлкібас аудандық бюджетінің  салықтық түсiмдерінің көлемі 1 954 950 млрд. теңгеге ұлғайғаны анықталды.

Салықтық түсiмдер көлемінің  ұлғайғаны аудандық бюджет кірісінің көлемінің өсуіне ықпал жасады. Атап айтқанда 2016 жылға арналған бюджетінде кірісі 10 765 900 мың теңге болса 2017 жылы кірістің көлемі 12 807 639 теңгені құрады. Яғни, бюджеттің кірісі 2 032 739 мың теңгеге көбейді. Бұл өз кезегінде ауданның әлеуметтік экономикалық дамуына оң әсерін тигізуде.

Айдар Дидар