Қазақстандық гроссмейстер Динара Сәдуақасова Вьетнамдағы VIII халықаралық шахмат турнирінде жеңіске жетті, деп хабарлады ҚР сыртқы істер министрлігінің баспасөз қызметінен.
«Қазақстандық шахматшы, 20 жасқа дейінгі қыздар арасындағы әлем чемпионы Д.Сәдуақасова 10-15 наурыз аралығында Вьетнам астанасы Ханоеде өткен шахматтан HDBank ашық халықаралық турнирде бірінші орынға ие болды», — делінген жұмадағы хабарда.
Хабарда атап өткендей, турнир әлемнің 21 елінен 270 шахматшыны жинаған, соның ішінде Үндістан, Қытай, Ресей, Канада, Испания, Германия, Бразилия бар.
«Д. Сәдуакасова швейцариялық жүйе бойынша 9 турдан тұрған осы ойындарда 25 қатысушының арасында үздік деп танылды. Шахматтан HDBank халықаралық турнирі халықаралық шахмат федерациясының жүйесіне (ФИДЕ) кіргізілген. Өткен турнир есеп бойынша VIII», — деді Қазақстан Республикасы Сыртқы істер министрлігінде.
