2018 жылдың 26 қаңтарында Оңтүстік Қазақстан облысы Ішкі істер департаментінің үлкен мәжіліс залында Елбасы Н.Ә.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Жолдауын ОҚО ІІД-нің жеке құрамына түсіндіру мен ондағы басым бағыттарды саралап, атқаруға тиіс жұмыстарды сөз етті.
Іс-шараның негізгі мақсаты – Елбасы жолдауының жемқорлықпен күрес және заңның үстемдігіне арналған тоғызыншы бағытын талқылау.
Жиынға ОҚО ІІД-нің бастығы полиция полковнигі Қайрат Дәлбеков және жеке құрам қатысты. Басқосуда ОҚО ІІД-нің бастығы Қ.Дәлбеков Мемлекет басшысы атап көрсеткен он меженің жүзеге асырылуы бойынша тиісті жұмыстар басталып кеткенін атап өтті. Жолдауда көрсетілген міндеттерді іске асыру жалпыға ортақ екенін жеткізді. «Мемлекет басшысының «Төртінші өнеркәсіптік революция жағдайындағы дамудың жаңа мүмкүндіктері» атты кезекті Жолдауын еліміздің ертеңі үшін жасалған батыл қадам мен байыпты пайым екенін айтты.
«Азаматтардың конституциялық құқықтарына кепілдікті нығайту, құқық үстемдігін қамтамасыз ету, құқық қорғау қызметін ізгілендіру жұмыстарын жалғастыру қажет. Қоғамдық тәртіпті сақтау және қауіпсіздікті қамтамасыз ету саласында көшелерде және адам көп жиналатын қоғамдық орындарда бейнебақылау жүргізетін, азаматтарды анықтайтын және жол қозғалысын қадағалайтын интеллектуалды жүйелерді белсенді түрде енгізу керек» деп атап өтті Елбасымыз өз жолдауында. Ендеше, бірігіп Жолдауды жүзеге асыруда жұмыс жасайық», деді полиция полковнигі Қайрат Дәлбеков.
ОҚО ІІД Мемлекеттік тіл және ақпарат басқармасы
