2018 жылдың 24 қаңтар күні Оңтүстік Қазақстан облысының Қоғамдық кеңесінің кезекті отырысында Елбасының Қазақстан халқына арнаған «Төртінші өнеркәсіптік революция жағдайындағы дамудың жаңа мүмкіндіктері» атты Жолдауы талқыланды.
Сонымен қатар, күн тәртібіне енгізілген бірқатар мәселелер қаралып, тиісті шешімдер қабылданды. Атап айтқанда:
Оңтүстік Қазақстан облысы қала, аудан Қоғамдық кеңес төрағаларын облыстық Қоғамдық кеңес мүшелігіне қабылдау;
«Тыңайтқыштардың құнын (органикалық тыңайтқыштарды қоспағанда) субсидиялау қағидаларын бекіту туралы» Қазақстан Республикасы Ауыл шаруашылығы министрінің 2015 жылғы 6 сәуірдегі №4-4/305 бұйрығына өзгеріс енгізу туралы» қаулы жобасы;
«Оңтүстік Қазақстан облысының жасыл екпелерін күтіп-ұстау және қорғау қағидасын бекіту туралы» Оңтүстік Қазақстан облыстық мәслихатының шешімі;
«Оңтүстік Қазақстан облысы әкімдігінің 2015 жылғы 22 сәуірдегі №114 «Оңтүстік Қазақстан облысында есептеу аспаптары жоқ тұтынушылар үшін газбен жабдықтау, электрмен жабдықтау, сумен жабдықтау, су бұру және жылуымен жабдықтау жөніндегі коммуналдық көрсетілетін қызметтерді тұтыну нормаларын бекіту туралы» қаулысына өзгеріс енгізу туралы» облыс әкімдігінің қаулы жобасы;
«Заңды тұлға мәртебесі бар жергілікті маңызы бар ерекше қорғалатын табиғи аумақтарда көрсететін қызметтер үшін тарифтер мөлшерін бекіту туралы» Оңтүстік Қазақстан облысы әкімдігінің 2017 жылғы 12 сәуірдегі №94 қаулысына өзгерістер мен толықтырулар енгізу туралы» қаулы жобасы, сондай-ақ облыс Қоғамдық кеңесінің ережесі мен регламентін бекіту туралы мәселелер қаралды.
Айта кетерлігі, «Оңтүстік Қазақстан облысы әкімдігінің 2017 жылғы 11 тамыздағы №215, 216 «2017-2018 оқу жылына техникалық және кәсіптік, орта білімнен кейінгі білімі бар мамандарды даярлауға арналған мемлекеттік білім беру тапсырысын бекіту туралы» қаулысына өзгерістер енгізу туралы» қаулы жобасын талқылау кейінге қалдырылды.
