Облыс әкімі іс-сапармен 110 мыңнан асатын халқы бар Түлкібас ауданына барды. Өңір басшысы ең алдымен Кемербастау ауылындағы күрделі жөндеуден өткен мәдениет үйінің ашылуына қатысты. 1963-жылы салынған мәдениет үйі биылғы жылы 56 млн 811 мың теңгеге күрделі жөндеуден өтіп, қайта жаңғырды. 300 орындық мәдени мекемеде 2-қызметкер жұмыс атқарады. Сонымен қатар мұнда 13 593 кітап қоры, 720 оқырманы бар кітапхана да орналасқан.
Бүгінгі күні Түлкібас ауданында 28- мәдени ошақтары бар. Соңғы жылдары ауданда 17 мәдениет үйі мен клубтар бой көтерген. Ал биылғы жылы 4-бірдей мекеме күрделі жөндеуден өтіп, қайта пайдалануға беріліп отыр. Айта кетейік, тау бөктерінде орналасқан Кемербастау ауылдық округіне қараста 7-елдімекенде 4696 халық тұрады. Халық кәсіпкерлік, егін және мал шаруашылығымен айналысады. Мәдениет үйінде қойылған ауылшаруашылық және қол өнер бұйымдарының көрмесімен танысқан облыс әкімі аудан тұрғындарына мемлекеттік қолдаудың маңызын түсіндірді. Және жеке кәсіппен ісін өркендеткісі келетіндерге қолдау танытатынын жеткізді. 
Іс-сапар барысында аймақ басшысы Ақбиік ауылындағы мемлекеттік –жекеменшік әріптестік аясында салынған 100 орындық балабақшаның жұмысымен танысты. Балабақшаның жалпы сметалық құны 230 млн 461 мың теңге.Жаңа нысанда 31 жергілікті тұрғын жұмыспен қамтылып отыр. Балабақшаны салғын мердігер мекеме « РОПРОЕКТ» ЖШС-і. Өз кезегінде мектепке дейінгі мекеменің бой көтеруіне ОҚО мәслихатының депутаты Алмас Салимов қолдау танытып, өз қаржысы есебінен ауыл тұрғындарының иігілігіне беріп отыр. Бүгінде Елбасының еліміздің кішкентай бүлдіршіндері үшін жасаған қамқорлығымен, яғни «Балапан» бағдарламасы аясында Түлкібас ауданында 37 балабақша ашылып, аймақтың 3-6 жастағы балаларын мектепке дейінгі тәрбиемен және оқумен қамту 92,6 пайызды құраған.
Сапар соңында облыс әкімі Жансейіт Түймебаев Шақпақ ауылдық округіндегі шығыс қақпаға аялдады және ондағы атқарылған жұмыстарға куә болды. Бүгінде Жамбыл облысымен шекаралас мекенде жаңа стелла бой тіктеген.
Нысанның құрылысына жергілікті бюджеттен 69 млн 960 мың теңге бөлініп, толықтай игеріліп отыр. Аталған нысанда кез-келген жолаушыға қажетті ақпараттар бар және демалыс аймағы да қарастырылған. Сонымен қатар облысымыздың аудан, қалалары жйында мағұлматтар , төлқұжаттары орналастырылған. Жалпы Түлкібас ауданының әлеуметтік-экономикасы 11 айдың қорытындысы бойынша жалпы өңірлік өнім 60 млрд теңге болып ,жан басына шаққанда 541,5 мың теңгені құраған.
Жомарт Бегімбетов
