Отырар ауданы Тәуелсіздікке тамаша тарту жасап отыр. Бір күннің ішінде бірнеше нысанды пайдалануға беріп, әлеуметтік мәселеленің жақсаруына ықпал етті. Яғни бұл күні шалғайда жатқан ауылдарда медициналық тіректер іске қосылып, кәсіпті нәсіп етіп отырған жандарға да қызмет ететін орталық берілді. 55 мыңға жуых халқы бар аудан соңғы жылдары мал шаруашылығын жақсартуға маңызды қадам жасап жүр. Мәселен облыс бойынша дәл осы Отырарда алғаш рет ветеринарлық тірек салынған. Осындай жетістіктері бар аудан әкімі Ерлан Айтаханов тұрғындарды Тәуелсіздік мерекесімен құттықтап, еңбек еткендерді марапатқа бөледі.
Бағлан Байкөбекқызы