Тараз қаласында грек-рим, еркін күрес және әйелдер күресінен өткен Қазақстан чемпионатында 66 келі салмақта жерлесіміз Магомед Чухалов чемпион атанды. Спортшы өз салмағында күрескен қарсыластарын тізе бүктіріп, жеңіс тұғырынан көрінді. Сондай-ақ, ел чемпионатында осы салмақта бақ сынаған жерлесіміз Асхат Жаңбыров күмістен алқа тақса, үшінші орынды да Күнгейдің сайыпқыраны — шымкенттік Әлихан Сатоев қанжығалады.
Еске салсақ, жарыстың алғашқы күні облыс қоржынына Әлімжан Сыздықов 98 келілер арасында қола медальға ие болған еді.
Ал еркін күрестен Акбар Елубайұлы чемпион атанып, Әлментай Бақдәулет пен Ержан Дүйсенбеков жүлдегер болды.
Нәзік жандылар арасынан Гүлшахрат Талаева мен Алтынай Сатылхан үздіктер қатарына ілікті.
Жерлестерімізді жеңісімен құттықтаймыз!
ШЫМКЕНТТЕ ФАРМАЦЕВТИКАЛЫҚ ӨНДІРІСТІ КЕҢЕЙТУГЕ 39.5 МЛРД ТЕҢГЕ БАҒЫТТАЛАДЫ
Мемлекет басшысының фармацевтика саласындағы отандық өндірістің үлесін ұлғайту жөніндегі тапсырмалары шеңберінде Қазақстан Республикасының Үкіметі Денсаулық сақтау министрлігі мен «Химфарм» АҚ...
