Елімізде кәсіподақтар федерациясының басшысы ауысты. Жаңа жетекші болып, Парламент Мәжілісінің депутаты Бақытжан Әбдірайымов тағайындалды.
Бұған дейін ұйымды басқарып келген Әбілғазы Құсайынов зейнет демалысына шықты. Қазір бұл ұйымның құрамында түрлі салада еңбек ететін 2 миллионнан астам жұмысшы бар. Соңғы 5 жылда федерация еңбек ұжымдарындағы тұрақтылықты қамтамасыз етіп, жалақы және әлеуметтік кепілдемелерді төлеуде жоғары нәтижелерге қол жеткізді.
Әбілғазы Құсайынов, ҚР кәсіподақтар федерациясының бұрынғы басшысы:
— Біз 5 жыл бірлесіп жұмыс істедік, оның ішінде көптеген жұмыстар атқарылды. 2 заң қабылданды. Ең бастысы бірінші заң кәсіподақтар туралы заң, 2014 жылы, одан кейін еңбек кодексі қабылданды. Осы 2 заң кәсіподақтарға өте жақсы жаңа мүмкіншіліктер береді. Сондықтан реформалар модернизациялау өткізілді.
Дереккөз: 24.kz