Биыл Қазақстан Фермерлер одағының құрылғанына 15 жыл толды. Осыған орай, облыстық фермерлер одағы мен ауыл шаруашылығы басқармасы 600-ге жуық фермердің басын қосты. Негізгі мақсат, агроөнеркәсіп кешенінің дамуына кедергі болып отырған өзекті мәселелерді анықтап, фермерлерге барынша қолдау таныту. Ал, жиын барысында мемлекеттік қолдаудың қолжетімділігі, ауыл шаруашылығы коперативтерін құру, суармалы және жайылым жерлердің көлемін ұлғайту сынды мәселелер көтерілді.
Аталмыш жиынға Қазақстан Фермерлер одағының президенті Әуезхан Дәрінов та қатысты. Конференцияда сөз алған фермерлер толғандырған мәселелерді ортаға салды. Өңір шаруаларын өнімді суғару, заманауи техника сондай-ақ, несие алу сынды мәселелер алаңдатады екен. Ал, бүгінгі конференцияда айтылған барлық ұсыныстар Фермерлер одағында сарапталып, жауапты мемлекеттік органдарға жолданатын болады.
Аяжан Дәулетбай
