Бүгін Қарағанды облысы Жезқазған қаласының орталығындағы Ғарышкерлер аллеясы маңында әлем тарихында есімі мәжһүр ұлы тұлға, Алаштың абызы, ұлық би Кетбұғаның алып ескерткіші ашылды. Салтанатты шараға келген мәртебелі қонақтар үшін алдымен Шыңғыс ханға Жошы ханның өлімін естіркен қайғылы сәттен театрландырылған көрініс сахналанды.
Мұнан кейін, Қарағанды облысының әкімі Е.Қошанов еңселі ескерткішті салтанатты түрде ашып берді.Елдік шараға Халық Қаһарманы М.Алтынбаев бастаған елге сыйлы азаматтар қатысты.
Кетбұғаның атта тұрған бейнесі сомдалған ескерткіш биіктігі 10,5 метр. Еліміздің орталығында тарихи тұлғаның ескерткішінің ашылуына «Қазақтың Кетбұғасы» қоғамдық бірлестігінің төрағасы Төлеген Бүкіров мұрындық болған.
Гүлжан Нұрланқызы
