ҚР президенті Нұрсұлтан Назарбаев Астана айналасындағы «жасыл белдеудің» шығыс бөлігіндегі көшеттерді аларап көрді, деп хабарлады агенттік тілшісі.
«Мұнда адамдар қанша мекен етсе, орман соншама жыл орман болады. Бұл біздің келер ұрпаққа ескерткішіміз болады», — деді Н. Назарбаев дүйсенбі күні Астананың «жасыл белдеуінің» шығыс бөлігіндегі көшеттерді аларау барысында.
Президент қала айналасына орман отырғызу 1997 жылдан бері жүргізіліп отырғанын айтты. Алғашқыда жергілікті климатқа бейімделген әр түрлді ағаштар отырғызылды, енді онда ағаштардың құнды тұқымдары отырғызылуда, оның ішінде қарағай, шырша, қайыңдар бар.
Сондай-ақ мемлекет басшысы Астананың «жасыл белдеуіне» дәстүрлі түрде қырғауылдарды жіберу рәсіміне қатысты. Биыл мұнда тұңғыш рет арнайы тәлімбақта өсірілген еліктер жіберілді.
«Жасыл белдеудің» жалпы ауданы — 14 827 га, оның 11 502 га-сына орман отырғызылған, онда 9,6 млн ағаш және 1,8 млн бұта өсіп жатыр.
Өткен алты жылда (2012-2017) ашық алаңқайларға 2,1 млн дана ағаш көшеттері, оның ішінде 51% — қылқан жапырақты (шырша, қарағай, балқарағай), 49% — жапырақты(емен, қарағаш, жиде) ағаш тұқымдары отырғызылған.
Сондай-ақ өткен алты жылда инкубациялық жолмен 8083 құс өсіріліп, оның 7683-і осы «жасыл белдеуге» жіберілді.
ҚазТАГ
Фото: baq.kz
