Қазақстан Республикасы Бас Прокурорының 2017 жылғы 21 маусымындағы бұйрығымен Туғанбаев Жанболат Сейдахметұлы Оңтүстік Қазақстан облысы прокурорының орынбасары қызметіне тағайындалды.
Ж.С.Туғанбаев 27.03.1978 ж. Жамбыл облысы, Жуалы ауданында туылған. Білімі жоғары, 1999 жылы Қ.А.Яссауи атындағы Халықаралық Қазақ-Түрік университетін «құқықтану» мамандығы бойынша бітірген.
Прокуратура органдарындағы еңбек жолын 2000 жылдың қаңтар айында Жамбыл облысы Тараз қаласы прокуроры көмекшісінің міндетін атқарушыдан бастаған. Жамбыл облысы прокуратурасының сот қаулыларының және атқару өндірісінің заңдылығын қадағалау басқармасының прокуроры, басқарманың аға прокуроры, Жамбыл облысы прокуратурасының азаматтық және әкімшілік істер бойынша сот актілерінің және атқару өндірісінің заңдылығын қадағалау бөлімінің аға прокуроры, басқарма бастығының міндетін уақытша атқарушы, басқарма бастығы, Жамбыл ауданының прокуроры, Оңтүстік Қазақстан облысының мамандандырылған табиғат қорғау прокуратурасының прокуроры, Қазақстан Республикасы Бас прокуратурасының сотта мемлекет мүддесіне өкілдік ету Департаментінің бөлім бастығы, Қазақстан Республикасы Бас прокуратурасының өтініштерді қарау туралы заңдардың қолданылуын қадағалау және іс жүргізу бойынша басқармасының бастығы қызметтерін атқарған.
