Жүйрік уақыттың ұшқыр қанаты Сізді мағыналы ғұмырыңыздың биік бір белесі – 70 жасқа алып жетті. Сіз осы кемелдікке тың жігер, жарқын көңілмен келіп отырсыз.
«Қарттары бар ел – қазынасы бар ел” – деген сөз бар халқымызда. Осынау жылдар ішінде өмірдің талай белестерінен табысты өтіп, бүгінде өркен жайған алып бәйтеректей үлкен бір әулеттің ақылшы тірегі, арқа сүйері болып отырсыз.
Ұзақ жылдар бойы ақпарат айдынында сіңірген еңбегіңіз де орасан. Байланыс және ақпарат қызметкері ретінде ел игілігі жолында тер төгіп келе жатқан мемлекетшіл жанның бірісіз. Қиындығы мен қызығы қатар жүретін салада тынымсыз еңбегіңіздің арқасында көзі қарақты көрермен еліміздің барша ақпараттарымен етене таныс, қоғам тынысынан хабардар.
Құрметті Омарбек Қазанғапұлы! Біз сізді жан жүрегімізбен жарқылдай қуана отырып құттықтап, мерекелі мерейтой күні Сізге денсаулығыңыз күйлі-қуатты, ғұмырыңыз ұзағынан, көрер қуанышыңыз молынан болсын деп тілейміз! Мерейіңіз үстем, қадір-қасиетіңіз зор болсын. Өсіп-өнген, ұрпақ тәрбиелеген, құда-құдағиларың мен дос-жарандарыңның ыстық ықыласына бөленген өзіңе тек жақсылықтар, қуаныштар мен бақытты ғұмыр тілейміз.
Халыққа жасаған қызметіңіз әрдайым Сізге абырой әкелсін! Шығармашылық табыстың көкжиегінен көріне беріңіз! Артыңдағы ізіңіз өшпесін!
«Айғақ» телеарнасының ұжымы.
