Тағы да жүлделі байқау. Яғни, әлеуметтік желі қолданушылары енді «Оңтүстік ғажайыптарын» арқау етіп үздік жазбаларын Фэйсбук, В контакте және Инстаграм парақшаларына жарияласа болғаны. Күні бүгіннен бастау алған бәйгеде 30 қыркүйекке дейін 25 жазбадан кем емес материалдар ұсыну міндетті. Оңтүстік Қазақстан облысының 85 жылдық мерейтойына арналған байқауда өңірдің ғажайып киелі мекендері мен тарихын, Оңтүстікте дүниеге клеген тұлғалар және олардың өмірімен жетістіктерін жариялауыңыз керек. Облыстық ішкі саясат басқармасымен Қазақстан Журналистер Одағы облыстық филиалының ұйымдастыруымен өтетін байқаудың жүлде қоры да қомақты. Яғни, 2,5 млн. теңгені құрайтын байқауда жүлдегерлерге қомақты қаржы берілсе, өзге қатысушылар да құр алақан қалмайды деп күтілуде. Айта кетейік, жеңімпаздардың материалдарының сапасы мен мән мазмұны басты назарда болса, желіде ұнату белгісін көп жинағаны да ескерусіз қалмайды.
Еңлік Заманхан