АРБАМЕН ТЕННИСТЕН ҚАЗАҚСТАН ЧЕМПИОНАТЫ ӨТТІ

Шымкент қаласында ерекше спорттық дода басталды. Үшінші мегаполистегі Ұлттық теннис орталығында арбамен теннистен ҚР чемпионаты өтіп жатыр. Жарысқа еліміздің 9 қаласынан келген 44 үздік спортшы қатысып, өз шеберліктерін көрсетуде. Үш күнге созылатын чемпионат жеңімпаздарға халықаралық деңгейдегі сайыстарға жолдама береді.

Арбамен теннис 2022 жылдан бері елімізде қарқынды дамып, өз жанкүйерлерін тауып үлгерді. Қазір Шымкенттегі Ұлттық теннис орталығында өтіп жатқан ел чемпионатына 9 қаладан 44 үздік спортшы қатысуда. Үш күнге созылатын сайыс барысында олар өз шеберліктерін көрсетіп, халықаралық жарысқа жолдама алу үшін бақ сынасады. Бұл чемпионат — жанкешті дайындық пен еңбектің жемісін дәлелдейтін үлкен мүмкіндік.

Арбамен теннис — жоғары физикалық және психологиялық дайындықты талап ететін ерекше спорт түрі, спортшы допты дәл соғумен қатар арбада шапшаң қозғалуды және алаңды бақылауды меңгеруі тиіс. Қазақстанда бұл спорт түрі жыл сайын дамып, қазіргі таңда 10 өңірде жүйелі түрде дамуда.  Ермек Дәрменовтің айтуынша, әкімдіктің қолдауымен 2026 жылы Шымкентте мүмкіндігі шектеулі жандарға арналған Пара‑сурда орталығы ашылмақ, ғимаратқа жер бөлініп, құрылысқа қаржы қарастырылған. Бұл орталық өңірде параспорттың дамуына айрықша серпін беріп, спортшыларға қолжетімді және заманауи инфрақұрылым ұсынуды көздейді.

Жарысқа үшінші рет қатысып жеңімпаз болған спортшы да бар. Ол бұл чемпионатқа ерекше дайындалғанын айтады. Арбамен теннис оның өмірінде тек спорт емес, өмірлік мотивацияға айналған. Алда әлі талай жарыс, талай жеңіс бар екенін сеніммен жеткізеді. Қатысушылар үшін бұл турнирдің мәні терең. Бұл — өзін жеңу, қоғамға өз орнын дәлелдеу, спорт арқылы өмірге қайта қанат бітіру. Бұл чемпионат — спорттың мүмкіндігі шектеулі жандар үшін де қолжетімді әрі лайықты деңгейде ұйымдастырылуының көрінісі. Арбамен теннис бүгінде елімізде тек спорт қана емес, үлкен әлеуметтік бастамаға айналып отыр.