Оңтүстік Қазақстанға күн сәулесі көбірек түсетіндіктен ақ мақтаның негізгі отаны болып саналады. Түркістан облысы еліміздегі мақта егетін жалғыз аймақ болғандықтан, Ордабасы, Мақтаарал, Сарыағаш, Отырар секілді аудандарда өседі. Соның ішінде отандық мақта өндірушілердің жарқын мысалдарының бірі Ордабасы ауданы Төрткөл ауылындағы «Рамазан-Агро» кәсіпорны. Бүгінде бұл кәсіпорынның зауыты елімізді мақта талшығымен қамтамасыз етіп, өз өнімін шетелге де экспорттап келеді. Ал, егістік алқабында қай елдің тұқымы өсіріледі? Ауыл шаруашылық техникаларының жай-күйі қандай? Фермерлерге ұтымды қандай лизингтер қарастырылған? Осы және өзге де сұрақтың жауабын әріптесім Аружан Маттай біліп қайтты.
Түркістан облысы Қазақстандағы мақта егетін жалғыз аймақ. Дей тұра, отандық шикізат Латвия, Молдова, Ресей, Беларус елдеріне экспортталады. Отандық мақта өндірушілердің жарқын мысалдарының бірі — Төрткөл ауылындағы Рамазан Агро жауапкергілігі шектеулі серіктестігі. Оның иелігінде ауданы 723 гектардан асатын алқаптар және алынған шикізаттың құнын дайын өнім түрінде бірнеше есе арттыруға және көктемгі егіс жұмыстарынан бастап шитті мақтаны өңдеу аяқталғанға дейін жыл бойы үздіксіз өндірістік процесті қолдауға мүмкіндік беретін жеке мақта өңдеу зауыты бар. Зауыт ұжымы шағын шаруа қожалықтарына да мақта егуге, терісіп жинасуға көмектеседі. Жыл сайын бірнеше мыңдаған шаруа қожалықтарына егіс науқанында қаражат пен техникадан да жәрдем беріп, егетін шитті тұқымына дейін дайындап береді. Өңірдегі мақта өндіруші ірі шаруашылықтардың бестігіне кіреді. Мақта шығымының жақсы болуына түріктің элиталық тұқымы әсер етеді екен. Себебі фермердің айтуынша біздің өнім 60 центнербен берсе Түркияның асыл тұқымды мақта шиті 70-80 центнерге дейін өнім бере алады екен. Директор Мейірхан Батырбектің айтуынша мақта теріміне «Қазагроқаржы» Акционерлік Қоғамның қаржыландыруымен алған 15 мақта теретін комбайнын лизинге алып, өз кәсібін дөңгелетіп келеді. Техниканың 6-7%-ын өтеп, қалғанын мемлекет қаржыландырып отырады екен.
Лизинг — бұл қандай да бір мүлікті қолайлы әрі пайыздары жеңіл шарттармен ұзақ уақыт бойы жалдау. Ондай мүлікке құрал-жабдық, тауарлар, жылжымайтын мүлік және автокөлік жатады. Соған орай, «ҚазАгроҚаржы» Акционерлік Қоғамы ауыл шаруашылығы тауарын өндірушілер үшін жаңа лизинг бағдарламасын жүзеге асырмақ.
